Yohanese 8:59 - Janji beluke

⁵⁹ Eleki tamata Yahudia meru esi ono kena rana batu kena raba Yesuse, le Iombe Isakesa kai Alla, po Ikbuni beisi kai Isiri keu bei Tuhane Eni Lumare.

Yohanese 8:59 ပူးပေါင်းရင်းမြစ်များ

Matiuse 12:14

Po kena tamata Parisiaru esi siri bei luma ibadare, esi lepa lupu kena bunu Yesuse.

Lukase 24:31

Eleki hkutuke luasi be mere Yesuse. Po sirikeNi sosoli bei luasi.

Yohanese 11:54

Bei mere hoko Yesuse Ilepa ete tamata bokala me tamata Yahudiaru oasi moneka. Ikeu bei mere lora kota sae me esi nane Efraime tehaike otoi nsekile. Irue ete mere kai Eni maka luluaru.

Yohanese 11:8

Eleki Eni ketelaru esi beteke lokoI be, “Ntuane Kuru, beluke meije tamata Yahudiaru esi ono kena esi raba Ale kena batu peneka leke Amata, yo meije Asuka leu lori leneko?”

Yohanese 12:36

Au beteke ete imi leke imi hlaleke loko Hitate mere kena Hitate eme kai imi sare leke tamata esi kotie imire Hitate Eni kwetele.” Yesuse Ilepa pela eleki Iheti bei otoi mere kai Iaseluke oaI etesi moneka.

Yohanese 18:31

Pilatuse iombe, “Imi keriNi kai sebeiye imi teu pakala eteI lulu imi agamare esi hnaune.” Po esi ombe, “Amiki kbasa sae mo kena hukume tamata eti imata.”

Yohanese 5:13

Po tamata rebe imise mere irekwa sire mere moneka. Le Yesuse ikeu me tamata bokala meru peneka.

Yohanese 9:1

Eleki kena Yesuse Ilia, Iselu ile sae me iselu mo bei ruelei menai sa.

Maka Ulakaru 7:57

Po kena esi kloloe esi sou tlina loisu kai esi bua kerikeni.