Yohanese 5:42 - Janji beluke

⁴² Po imire lupe Au mo. Au rekware imi oki Alla mo.

Yohanese 5:42 ပူးပေါင်းရင်းမြစ်များ

Lukase 16:15

Eleki Yesuse Ibeteke lokosi be, “Imi bunike imi nsalalaru po Alla Irekwa lalemi. Le saisa rebe tamata esi noakele mise titinaije Tuhane laleIje tiakele le mere tiae titinai.”

Yohanese 2:25

Kai lepa loko tamata makete eni sipate eteI moneka, le tamata laleije Irekwae.

Yohanese 21:17

Yesuse Itneu suike leneka be, “Simone, Yohanese eni nanae. Aoki Au o?” Eleki Petruse laleije penu le Yesuse Itneu rebai telu be, “Aoki Au o?” Petruse iombe, “Tuhane, sasaisa neka Arekwae. Tuhane, Arekwa peneka be au oki Ale.” Yesuse Iombe, “Pialae Auku dombaru.”

Yohanese 5:41

Au nikwa tamata esi holmate Au mo.

Yohanese 5:43

Au luake le AmaKu Eni kbasare, imi trima Au mo po sepo tamata makete iluake le ruai eni kbasa, imi trimai.

Yohanese 5:44

Sepo batuke imi nikwa tamata esi holmate imi, yo imi suka supu holmate bei Alla rebe Esane mo, hoko namake imi hlaleke loko Au moneka.

Yohanese 8:42

Yesuse Iombe, “Sepo imi amate kena Alla hoko suke lalemi noa Au le Au luake beiNi. Au luake, lulu ruaKu suka mo po Alla ruaI pine Iulake Au.

Yohanese 8:47

Tamata rebe iluake bei Alla, tamata mere itrima Alla Eni hnaunaru. Po imi luake bei Alla mo hoko imi trima Eni hnaunaru mo.”

Yohanese 8:55

eleyo imi rekwaI mo po Au rekwaI. Kai sepo Au beteke be Au rekwaI mo, hoko Aure tamata nloene sakesa kai imire neka. Po mo, Au rekwaI kai Au ono lulu Eni hnaunaru.

Roma 8:7

Sepo tamata eni sifate ekbasae sae eni maka noake hoko iono musu kai Alla. Le tamata mere ilene loko Alla Eni hukume mo. Isuka kena lulu hukume mere po saisa moneka.

1 Yohanese 2:15

Lalemi loko saisa rebe neune mei nusa meije yake. Le sepo lalemi loko neune hoko imi lalemi titinai loko Alla Amate mo.

1 Yohanese 3:17

Sepo sire pine eni yelu kena pakelu kai kanelu pela petu me pine iselu kwalinisi pise betaisi sasaisa mo po itapasi mo, hoko ibeteke be lalei titinai loko Alla yake.

1 Yohanese 4:20

Sepo sae ibeteke be, “Laleku loko Alla titinai,” po ioki kwalini pise betai mo hoko tamata mere ilemake. Le kwalini pise betai rebe iseluije, iokini mo, hoko Alla rebe iseluI more lekwe, laleije titinai lokoI mo.

Tatike pine Uonore 2:23

Kai eni nanaru Au bunusi leke pusue jemate toini esi rekwa be Au rekwa saisa neka rebe eme tamata laleisu. Kai Au lelie ete imire lulu sae erini nsalale.