Yohanese 4:38 - Janji beluke

³⁸ Le Au ulake imi keu me ndinu rebe imi kerike ktili lokole mo, leke imi supu hasile bokala. Tamata rebe esi akmenare, esi kerike ktili lokole, po imi supu hasile bokala bei esi makerike ktiline mere.’ ”

Yohanese 4:38 ပူးပေါင်းရင်းမြစ်များ

Matiuse 4:23

Yesuse Ikeu papelake hena me otoi Galilea kai Iatetuke me Yahudiaru esi luma ibadaru. Ibeteke Sou Misete be tatike pine Alla Ipletae tamata. Kai Iono tamata makerake kai tamata rebe nanakwalaisu ktili more esi mise.

Yohanese 1:7

Iluake kena ilepa loko Hitate mere, leke bei ilepare pusue tamata esi hlaleke loko Yesuse.

Yohanese 17:18

Sakesa kai Ama Aulake Au lomei nusare, ele mere lekwe Au ulakesi kena beteke Auku lepataru ete tamata mei nusa meije.

Yohanese 4:37

Le lepate matai be sae iatnane kai sae makete iulure, mere tinai.

Yohanese 4:39

Tamata Samaria bokala bei kota mere esi hlaleke loko Yesuse le bina mere ibeteke be, “Auku atate eliare Yesuse Ibeteke pusulu ete au peneka.”

Maka Ulakaru 2:41

Tamata bokala esi lene loko Petruse eni lepataru eleki Yesuse Eni maka ulakaru esi baptisesi. Hoko kena petu mere tamata rebe esi hlaleke loko Yesuse esi tapa sie usata telu.

Maka Ulakaru 4:32

Pusue tamata rebe esi hlaleke loko Yesuse meru lalesi esa. Kai sae eni saisa iblake be mere ruai enie mo, po saisa rebe esie, esi lara polie.

Maka Ulakaru 4:4

Po bei tamata rebe esi lene luasi atetuke mere, bokala esi hlaleke loko Yesuse, pusuise sie usata lima.

Maka Ulakaru 5:14

Eleki tamata esi tapa boka rame, bina mokwai, kena hlaleke loko Alla.

Maka Ulakaru 6:7

Hoko Sou Misete kena Yesuse elei rame kai tamata rebe esi lulu Yesuse me kota Yerusaleme tapa boka rame. Kai imama bokala lekwe esi hlaleke loko Yesuse.

2 Korintuse 10:15

Ami lekwe nikwa isike bei makerike rebe tamata makete esi kerikele me ruasi otoije mo. Po ami hlaleke namake imi persaye loko Yesuse Kristuse tapa ktili leke namake Tuhane Iono amiki makerike ete imire tapa ela.