Yohanese 20:13 - Janji beluke

¹³ Eleki malekata meru esi tneui be, “Matabinane, arani le mula?” Eleki Maria iombe, “Esi rana auku Tuhane peneka kai au rekwa be esi tolaeNi etia mo.”

Yohanese 20:13 ပူးပေါင်းရင်းမြစ်များ

Lukase 24:17

Yesuse Ibeteke loko luasi be, “Luami alenake saisa mei lalane meije?” Eleki luasi kele, kai selu oalaleisu ruowelu.

Yohanese 19:26

Eleki kena Yesuse Iselu inaI kai Eni maka lulu rebe Iokini titinaije esi kele ete mere eleki Yesuse Ibeteke loko inaI be, “Inaku, kwete mokwai mere amu anare.”

Yohanese 2:4

Eleki Yesuse Ibeteke loko inaI be, “InaKu, abeteke ete Au yake. Petu kena Au beteke ruaKue emeije mosa.”

Yohanese 20:15

Yesuse Iombe, “Matabinane, arani le mula? Anikwa loko sire?” Maria inoake be tamata mere tamane esi upuije hoko iombe, “Ntuane, sepo ahetie auku Tuhane bei meije hoko abeteke ete au be atolaeNi etia leke au keu ranaI.”

Yohanese 20:2

Eleki ibala loko Simone Petruse kai Yesuse Eni maka lulu rebe Iokini titinaije eleki ikoti loko luasi be, “Tamata esi rana Tuhane bei liane benaije peneka. Esi tolaeNi etiare ami rekwaI mo!”

Maka Ulakaru 21:13

Po Pauluse iralake be, “Le mula pine imi ranire? Imi ono ele mere eono laleku tia titinai. Esi kerike au pise esi bunu au sebeisi neka le au lulu Tuhane Yesuse neka.”