Yohanese 17:6 - Janji beluke

⁶ Yesuse Ibeteke lekwe be, “AmaKu ndete surga, Au alenake Ama Ale ete tamata mei nusa meije rebe Arilukesi ete Aure peneka. Kai esi lulu Amu lepataru peneka.

Yohanese 17:6 ပူးပေါင်းရင်းမြစ်များ

Yohanese 1:18

Sae iselu Tuhane Alla mosa batuke Eni Nanae esane ruaI rebe Isakesa kaiNi kai rebe ItehaikeIne. Kai Eni Nanae esane mere pine Iaseluke AmaI ete ite.

Yohanese 12:28

Eleki Yesuse Ibeteke loko Alla elere, “AmaKu, tiluke Amu kbasare ete tamata nusa meije leke esi selue leke AmaKu Amu nane supu isike rame.” Yesuse Ilepa ele mere eleki tamata nai bei ndete sorga sosoli be, “Au isike Auku nane peneka namake pine Au isikele suike lekwe.”

Yohanese 15:19

Imi lulu tamata mei nusa meije esi sukare hoko lalesi tiake imi mo po Au bitike imi bei tamata mei nusa meije peneka hoko imi lulu tamata mei nusa meije esi sukare moneka, hoko lalesi tiake imi.

Yohanese 15:3

Imi persaye Auku lepataru peneka hoko imi dosaru sae moneka.

Yohanese 15:7

Sepo imi haie Au kai Auku lepataru imi lene lokolu hoko imi kotie sasaisa rebe imi suka kena kotiele bei Aure, imi supue.

Yohanese 17:12

Kena Au mei kaisi sare, Au rakasi kena Ama Amu kbasare. Au rakasi leke esi supu hlamate, batuke ile esa pine mo. Ile mere rebe teu peneka be tatike pine isupu poie kena otoi narakare. Eono ele mere leke rebe lekie me Alla Eni lepate eonore mere peneka.

Yohanese 17:14

Au beteke Amu lepataru etesi peneka. Tamata rebe esi lulu Auku lepataru more laleisu tiakesi, le esi lulu nusa meije esi sukare mo, saka Au lekwe lulu nusa meije esi sukare more neka.

Yohanese 17:16

Sakesa kai Aure neka, Au lulu nusa meije esi sukare mo, sie lekwe esi lulu nusa meije esi sukare more neka.

Yohanese 17:2

Amate, Aono Au kbasae pusue tamata mei nusa meije peneka, leke Au ono pususi supu rue eti pela. Sie rebe esi rue eti pelare, mere sie rebe Arilukesi ete Aure.

Yohanese 17:24

AmaKu, Au kotie bei Ale leke sie rebe Arilukesi ete Aure esi me kena lakwakue neka leke esi selu Auku kbasa hita titinai rebe Ama Arilukele ete Aure le Ama Aoki Au bei kena nusa meije tola mosa.

Yohanese 17:26

Au beteke Ama Ale etesi peneka, kai Au ono mere rame leke esi oki tamata makete saka Ama Aoki Aure kai leke esi esa kai Au.”

Yohanese 17:7

Meije esi rekwa lepate rebe Au betekele eteise peneka kai pusue rebe Au onoule, bei AmaKu Ale.

Yohanese 18:9

Yesuse Ilepa ele mere leke Eni lepate rebe akmena Ibetekele be, “AmaKu, tamata rebe Arilukesi eteKue, Au rakasi leke esi supu hlamate,” eonore mere pene.

Yohanese 6:37

Pusue tamata mei nusa rebe AmaKu Irilukesi ete Aure namake esi luake lokoKu. Kai sire pine iluake lokoKu, Au trimai.

Yohanese 6:39

Ile rebe Iulake Aure Eni sukare pusue tamata rebe Irilukesi ete Aure sae imata eti pela yake, po leke Au ono esi supu kwana suike kena petu rebe nusare kohore.

Yohanese 8:51

Au beteke meije tinai: sire pine iono lulu Auku hnaunaru, eti pelare imata moneka.”

Yohanese 8:52

Esi ombe, “Meije pine ami rekwa be ro tiaru esi elake bkasae laleume titinai. Abrahame yo imata peneka, kai nabiaru lekwe pususi mata peneka yo Aombe sire pine iono lulu Amu hnaunaru, eti pelare imata moneka.

Maka Ulakaru 13:48

Eleki kena tamata nusa maketa bei tamata Yahudiaru esi lene mere, hoko lalesi ndina titinai eleki esi isike Alla le Sou Misete kena Yesuse. Kai tamata rebe Alla Iteusi kena supu bitikesi supu rue eti pela pende esi hlaleke loko Yesuse.

Roma 11:2

Alla Eni tamataya rebe Ibitikesi bei akmena sare Ihlekesi mo. Kwali betaya imi nete saisa rebe lekie me Alla Eni lepate rebe lekire ebeteke nabi Elia inanu tamata Israelaru ete Allare. Elia iombe:

2 Korintuse 4:6

Ami lepae Yesuse le akmenare Alla Ibeteke be: “Hitate ekliti kena melene.” Meije lekwe Iono hitate ehita ite lalema, leke ite lalemaru nati Alla Eni hitate elake kena Kristuse oalaleIje.

Kolose 3:16

Kristuse Eni hnaunaru suke imi nete loko rame, leke imi atetuke lomai kai ahnau lomai mimise kena imi maka rekware. Suke imi menanie lagu Masmuraru, kai lagua kena isike Alla kai lagu rohania rebe Ro Misete Iono imi menaniele. Kena menanire lalemi kotie trima kasi bei Alla.

2 Timotiuse 1:13

Hnaune nkenale rebe alene bei au pende, alepaele rame. Kai ahlaleke lokoI kai oki Alla kai tamata saka Kristuse Yesuse Iono aktili kena onoe.

Ibrani 2:12

Kai ite rekwa be Yesuse Ibeteke loko Alla elere: “Namake Au lepae saisa rebe Aonore ete kwaliKu kai betaKusi. Kai Au isikeMu etesi kena esi lupuke lomaije.”

Ibrani 3:6

Eleyo Kristuse tamata makerike lupe Musare mo po Alla Eni Nanae, Ilulu Alla Eni pletare titinai hoko Ili loko Alla Eni tamataru titinai. Alla Eni tamata kena ite, mahabe ite hlaleke ktili rame loko saisa rebe ite rekwa be namake ite supure.

1 Petruse 1:1

Kwali betaya, au Petruse, au leki sulate meije ete imi rebe luake kai rue me otoi Pontuse, Galatia, Kapadokia, Asia kai Bitinia. Imi rue ete mere saka tamata makete me kai tamata rebe esi rekwa Tuhane mosare. Yesuse Kristuse Ibitike au kena Eni maka ulake. Au kotie bei Alla leke Iriluke misete ete imi kai Iono laleime ndene noma. Kwali betaya, Alla Iono Amate ete ite pusuma, Ile pine Ibitike imi pusumi le imi ono Eni tamata lulu Eni rencana bei akmena sa. Baue Alla Eni Rore Iono imire, ruaI Eni tamata leke imi lene loko Yesuse Kristuse. Kai ponike Yesuse Kristuse Eni lalakwe kena ampune imi dosaru.

1 Yohanese 5:20

Ite rekwa be Alla Eni Nanare Iluake loko ite peneka kai Iatetuke ite peneka, leke ite rekwa Alla rebe nkenale. Ite kai Allare esa kai ite kai Eni Nanae Yesuse Kristuse esa lekwe. Ilere, Alla rebe nkenale kai rebe Iono rue mise eti pelare.

Tatike pine Uonore 2:13

Au rekwa imi ruere, imi rue me otoi kena ro tiaru esi elake ekbasaele. Po imi luluKu rame. Kai masike Antipase Auku saksi rebe nkwakawate esi bunui me imi kota rebe ro tiaru esi elake ekbasaele mere, imi lemake le imi hlaleke loko Aure mo.

Tatike pine Uonore 3:10

Le imi lulu Auku pletaru leke masike imi supu susate po imi hlaleke loko Au rame, hoko Au raka imi bei petu teheke kena supu susate rebe eluake ete pusue nusa kena etehe pusue tamata rebe esi rue mei nusa meije.

Tatike pine Uonore 3:8

Au rekwa saisa rebe imi onore. Selu Au baeke meture ete imi peneka, rebe tamata sae isupu kobue mo. Au rekwa, bei imire batuke sie ilaya esi hlaleke loko Au, po imi lulu Auku lepataru, kai masike tamata esi ono susate ete imi po imi hlaleke loko Aure imi hleke mo.