Yohanese 17:18 - Janji beluke

¹⁸ Sakesa kai Ama Aulake Au lomei nusare, ele mere lekwe Au ulakesi kena beteke Auku lepataru ete tamata mei nusa meije.

Yohanese 17:18 ပူးပေါင်းရင်းမြစ်များ

Matiuse 10:5

Yesuse Iulake Eni maka ulaka sie butu esa lesini lua meru kai Iahnausi be, “Imi keu loko hena makete rebe tamata Yahudi more yake, pise loko tamata Samariaru esi kotaru yake.

Matiuse 23:34

Au beteke ete imi be, ‘Namake Au ulake nabia, tamata maka rekwa kai kuruaru loko imi. Bei sie meru imi bunu leini kai imi paku leini kena ai batai. Leini lekwe imi tetasi me luma ibadaru kai imi suisi bei kota kena kota.

Yohanese 17:21

Au kotie leke pusue laleisu esa lupe luaIje. Au kotie leke esi esa kai Ite leke tamata mei nusare esi persaye be Au luake lomei nusare, Ama Aulake Au.

Yohanese 17:23

Au kaisi kai Ama kai Au, ite esa kai lomai titinai. Leke tamata mei nusa meije esi rekwa be Au luake lomei nusare, AmaKu Aulake Au kai Aokisi sakesa kai Aoki Aure neka.

Yohanese 17:25

AmaKu, Ankena! Tamata mei nusa meije esi rekwa Ale mo, po Au rekwa Ama Ale. Kai Auku maka luluaru lekwe esi rekwa be Au luake lomei nusare, Ama Aulake Au.

Yohanese 17:3

Supu rue eti pelare natire be: leke esi rekwa Ama Ale ruaMue Alla rebe tinai, kai esi rekwa Aure Yesuse Kristuse, rebe Ama Aulake Au kena luake.

Yohanese 17:8

Le pusue lepate rebe Abeteke ete Aure, Au betekele etesi peneka kai esi trima peneka. Esi rekwa titinai be Au luake bei Ama Ale kai esi persaye be Au luake, Ama Aulake Au.

Yohanese 20:21

Yesuse Iombe, “Hlamate! Imi supu misete! AmaKu Iulake Au lepa Sou Misete, hoko kena meije Au lekwe ulake imi kena imi lepa Sou Misete ete tamata bokala.”

Yohanese 3:17

Le Alla Iulake Au luake lomei nusa meije kena Au hukume tamata mei nusa meije mo po kena hlamate tamata mei nusa meije.

Yohanese 4:38

Le Au ulake imi keu me ndinu rebe imi kerike ktili lokole mo, leke imi supu hasile bokala. Tamata rebe esi akmenare, esi kerike ktili lokole, po imi supu hasile bokala bei esi makerike ktiline mere.’ ”

2 Korintuse 5:20

Hoko amire Kristuse Eni tamata maka lepa. Sakesa kai Alla Ilepa ete imire baue amiki lepataru. Ami kotie kena Kristuse Eni nane be, imi lulu Alla Eni sukare leke imi ono mise suike kaiNi.

Epsuse 3:7

Alla Ibitike au kena layaniNi kena lepae Sou Misete meije, le Iono misete ete au kai Eni kbasare ekbasae au kena lepae Sou Misete mere.