Yohanese 16:3 - Janji beluke

³ Esi ono ele mere le esi rekwa Au mo kai AmaKu mo.

Yohanese 16:3 ပူးပေါင်းရင်းမြစ်များ

Lukase 10:22

Kena Yesuse Ikotie loko Alla pelare Ibeteke loko tamata ete mere be, “AmaKu Iono Au supu kbasa kai Au rekwa pusulu peneka. Kai batuke AmaKu pine Irekwa Au, kai batuke Au kai tamata rebe Au beteke eteise, pine esi rekwa AmaKu.”

Yohanese 15:21

Esi ono susate ete imi le imi lulu Aure pe. Esi ono pusue meru ete imi le esi rekwa Ile rebe Iulake Aure mo.

Yohanese 15:23

Sire pine laleije tiake Au, mere laleije tiake AmaKu lekwe.

Yohanese 17:25

AmaKu, Ankena! Tamata mei nusa meije esi rekwa Ale mo, po Au rekwa Ama Ale. Kai Auku maka luluaru lekwe esi rekwa be Au luake lomei nusare, Ama Aulake Au.

Yohanese 17:3

Supu rue eti pelare natire be: leke esi rekwa Ama Ale ruaMue Alla rebe tinai, kai esi rekwa Aure Yesuse Kristuse, rebe Ama Aulake Au kena luake.

Yohanese 8:19

Eleki esi ombe, “AmaMu Ietia?” Yesuse Iombe, “Imi rekwa Au mo kai Imi rekwa AmaKu mo. Le sepo imi rekwa Au hoko imi rekwa AmaKu lekwe.”

Yohanese 8:55

eleyo imi rekwaI mo po Au rekwaI. Kai sepo Au beteke be Au rekwaI mo, hoko Aure tamata nloene sakesa kai imire neka. Po mo, Au rekwaI kai Au ono lulu Eni hnaunaru.

Maka Ulakaru 3:17

Kwali betaya! Meije pine au rekwa be saisa rebe imi kai imi elakaru imi onolu ete Yesuse, imi onolu le imi rekwa mo be Yesuse Maka Hlamate.

1 Korintuse 2:8

Tamata rebe esi kbasa mei nusa meije esi rekwa Alla Eni rencana kena Yesuse Kristuse mo. Le sepo esi rekwa hoko esi paku Tuhane rebe isikeIne kena ai tutine mo.

2 Tesalonika 1:8

Irulu kena Ihukume tamata rebe rekwa Alla mo kai rebe lene loko Sou Misete kena iteki Tuhane Yesuse more.

1 Timotiuse 1:13

Kena au hlaleke loko Yesuse mosare, au lepa tiae eteI. Au ono susate ete Eni tamataru. Au tasieNi. Masike ele mere po Alla laleIje noa au le au hlaleke lokoI mosa hoko au rekwa mo be saisa rebe au onolu mere mise mo.

1 Yohanese 2:23

Le sire pine inaku Alla Eni Nanare mo, hoko inaku Alla Amate mo lekwe. Po sire pine inaku Alla Eni Nanare, hoko inaku Alla Amate lekwe.

1 Yohanese 3:1

Imi nete, Alla Amate Ioki ite titinai eti Inaku be Eni nanae kena ite. Tinai, Alla Amate Eni nanae kena ite. Tamata mei nusa meije esi nati mo be ite Alla Amate Eni nanae. Le esi rekwa Alla Amate mo.

1 Yohanese 4:8

Tamata rebe ioki tamata makete mo, irekwa Alla mo le Allare maka oki.

1 Yohanese 5:20

Ite rekwa be Alla Eni Nanare Iluake loko ite peneka kai Iatetuke ite peneka, leke ite rekwa Alla rebe nkenale. Ite kai Allare esa kai ite kai Eni Nanae Yesuse Kristuse esa lekwe. Ilere, Alla rebe nkenale kai rebe Iono rue mise eti pelare.