Yohanese 1:44 - Janji beluke

⁴⁴ Pelipuse tamata bei kota Betsaida, Andrease kai Petruse luasi bei mere neka.

Yohanese 1:44 ပူးပေါင်းရင်းမြစ်များ

Matiuse 10:3

Pilipuse kai Bartolomeuse, Tomase kai Matiuse maka kotie pajake, Alfeuse eni nanae Yakobuse kai Tadeuse,

Matiuse 11:21

Ibeteke be, “Tatike pine Alla Ihukume tamata kota Korasime kai kota Betsaida le esi hleke bei esi dosaru more. Le sepo tanda herana bokala rebe Au onolu eteise, Au onoe ete tamata Yahudi mo ndi kota Tiruse kai kota Sidone hoko tamata ete meru esi naku kai hleke bei ono dosa takwali peneka kai esi alike pakiane tiae rebe aseluke be kaplalesi titinaije.

Markuse 3:18

Andrease, Pilipuse, Bartolomeuse, Matiuse, Tomase, Alfeuse eni nanae Yakobuse, Tadeuse, Simone tamata golongane Selote; golongane mere esi suka tamata makete kbasaesi mo,

Markuse 6:45

Pela bei mere eleki Yesuse Iulake Eni maka luluaru esi keu eike kena soa buini lori tlaka tebai ndi Betsaida. Kai kena mere Iulake tamata bokala meru esi leu.

Markuse 8:22

Eleki Yesuse esi luake me Betsaida. Eleki tamata esi liku tamata matapolale sae loko Yesuse kai esi kotie bei Yesuse leke Ikerikeni mina.

Lukase 10:13

Eleki Yesuse Ibeteke be, “Tamata me kota Korasime kai tamata me kota Betsaida, imi supu susate elake le imi hleke bei ono dosare mo. Akmenare Au ono tanda herane ete tamata Tiruse kai tamata Sidone mo hoko esi hleke bei ono dosa mo. Po sepo Au ono tanda herane etesi lupe Au ono ete imire hoko esi hleke bei ono dosa neka.

Lukase 6:14

Simone rebe Yesuse Ikotine Petruse, kwalini Andrease, Yakobuse, Yohanese, Pilipuse, Bartolomeuse,

Lukase 9:10

Eleki Yesuse Eni maka ulakaru esi leu loko Yesuse, esi alenake pusue yelu rebe esi onoule kai esi atetuke tamataru. Eleki Yesuse Iluisi kena keu me otoi tehaike kota Betsaida leke ruasi kai Yesuse kena otoi ndenete.

Yohanese 1:43

Eleki ele bobanure Yesuse Isuka keu lori otoi Galilea, eleki Inikwa loko Pelipuse roma Itetuini. Eleki Ibeteke lokoi be, “Mai lulu Au!”

Yohanese 1:45

Pelipuse itetue Natanela eleki ibeteke lokoi be, “Ami tetue Ile rebe Alla IulakeNi kena hlamate tamata rebe Musa ilekiNi me bukua rebe kotiele Alla Eni lepate kai nabia maketaru esi lekiNi me bukua makete peneka. Mere Yesuse, Yusupe Eni nanae, tamata bei hena Nasarete.”

Yohanese 1:46

Eleki Natanela ibeteke lokoi be, “Maka Hlamate Iluake bei hena Nazarete saisa mo. Hena mere to kuate.”

Yohanese 1:48

Eleki Natanela itneu Yesuse be, “Tuhane, le mula pine Arekwa auku sifate?” Yesuse Iombe, “Kena Pelipuse ikeri ale mosare, Au selu ame ara aini esi uweije.”

Yohanese 12:21

Eleki esi keu loko Pilipuse. Pilipuse mere tamata bei Betsaida me otoi Galilea. Esi keu eleki esi ombe, “Ntuane, ami suka tetue Yesuse.”

Yohanese 12:22

Eleki Pilipuse ikeu beteke mere ete Andriase, eleki luasi keu beteke ete Yesuse be, “Ntuane, tamata Yunaniaru esi nikwa lokoMu.”

Yohanese 6:5

Kena Yesuse Ili keholi, Iselu tamata bokala esi luake lokoI. Eleki Ibeteke loko Pelipuse be, “Ite sabe roti bei etia leke tamata bokala meiju esi kanere?” (

Yohanese 6:7

Pelipuse iombe, “Ntuane, masike sabe roti kena kepene perake utuna lua, kai masike esi supu teteputi po eromasi mo.”

Maka Ulakaru 1:13

Eleki kena esi luake mpe kota Yerusaleme, esi sa lolete lumare esi sokati ndete tetu rebe esi rue kenare. Sie meru: Petruse, Yohanese, Yakobuse, Andrease, Pilipuse, Tomase, Bartolomeuse, Matiuse, Alpeuse eni nanae Yakobuse, Simone bei golongane Selote; golongane mere esi suka tamata makete esi kbasaesi mo, Yakobuse eni nanae Yudase.