Yakobuse 5:6 - Janji beluke

⁶ Imi hukume kai bunu tamata rebe esi sala sae mo, rebe esi lelie tekwa imi more lekwe.

Yakobuse 5:6 ပူးပေါင်းရင်းမြစ်များ

Matiuse 21:38

Po kena tamata maka seba ndinure esi selu eni nanare iluake hoko esi beteke loko lomai be, ‘Meije ndinu upuije eni nanare hoko mai ite bunui leke ndinu anggure meije leue ite.’

Matiuse 27:20

Po imama elakaru kai tamata Yahudiaru esi elakaru esi umauke tamata bokala leke beteke ete gubernure Pilatuse be sirie Barabase yo bunu Yesuse.

Matiuse 5:39

Po meije Au beteke ete imi be, ‘Tamata makete iono neune ete imi, imi lelie suike yake. Po sepo tamata sae ipapake asuleimi makwanale hoko sebeie ipapake asuleimi mapale lekwe.

Maka Ulakaru 22:14

Eleki ibeteke be, ‘Iteki ntuana menaru esi Allare Ibitike ale kena selu Yesuse rebe Eni dosa sae mo, kena lene naije kai kena arekwa laleIje.

Maka Ulakaru 7:52

Nabi sae neka isupu susate beie imi ntuana menaru. Esi bunu pusue Alla Eni maka ulaka rebe kena akmena esi beteke etesi be Yesuse rebe Eni sala sae more, Iluake. Kai meije imi rilukeNi ete tamata rebe suka bunuIje pende.

Maka Ulakaru 8:32

Alla Eni lepata rebe ibaisele be: “Esi keriNi kena bunuIje lupe dombare kerie me otoi kena bunure. Ilepa sasaisa mo lupe domba anaije esi nai mo kena ktoli esi buluije neka.

Ibrani 10:38

Auku tamata rebe esi nkenare, kena esi hidupe esi hlaleke rame. Po sie rebe esi sele bei esi maka hlaleke namake Au sukasi mo.”

Yakobuse 2:6

Po imi ono tiae ete tamata rebe esi tanei sasaisa more peneka. Eleyo tamata rebe esi taneia bokare esi ono tiae ete imi kai esi keri imi me tamata maka teu pakalaru leke esi teu pakala ete imi.

Yakobuse 4:2

Imi lalemi kena supu sasaisa po imi supu mo, eleki imi suka bunu tamata. Imi ono lomai kai kai teta lomai. Imi supu sasaisa mo le imi kotie bei Alla mo.

1 Petruse 4:18

Kena Alla Eni lepata rebe lekire ebeteke be: “Tamata rebe hidupe nkenare lekwe suke supu susate mina pine supu hlamate. Ete tamata rebe ono dosa kai rekwa Tuhane more susa lesi leneka.”