Yakobuse 4:16 - Janji beluke

¹⁶ Po mo, kwakwae imi rame. Imi lepa kwakwae ele mere pusulu sala.

Yakobuse 4:16 ပူးပေါင်းရင်းမြစ်များ

1 Korintuse 5:6

Kwakwae imi le imi maka persaye yake. Le imi ono dosa esare namake eono tamata bokala esi ono dosa lekwe. Imi rekwa mere moyo? Mere sakesa kai tamata esi beteke be, “Ragi teputi tone po eono adonane sa.”

Yakobuse 3:14

Po sepo imi lalemi tiake tamata le eni sasaisa neka kai batuke imi nete loko ruami, hoko kwakwae imi kai lemake be imi rekwa mise yake. Le mere ebroka Alla Eni nkenale.

1 Yohanese 2:16

Le taneia mei nusa meije kai pusue misete tamata iselulu rame eleki lalei lokolu. Kai tamata kwakwaini le saisa rebe ionore kai eni taneiaru. Pusue meru bei iteki Alla Amate mo po bei nusa meije.

Tatike pine Uonore 18:7

Babele esupu hukumane elake saka esi kwakwale kai saka epake libuke taneiaya bokalaru. Le bina neune Babele mere inoake be ile tamata elake. Namake iono bina balu moneka kai irani moneka.