Yakobuse 3:18 - Janji beluke

¹⁸ Tinai! Tamata rebe isuka ono mise suike kai lomaije, namake tamata bokala lekwe esi ono lului kai esi suka ono misete kai tamata makete. Saka tamata maka andinu, inkwakwa kena atnane me eni ndinure kai kena iulure esi hasila bokala.

Yakobuse 3:18 ပူးပေါင်းရင်းမြစ်များ

Matiuse 5:9

Tamata rebe esi ono tamata esi laleisu mise kai lomaije, Alla Iono laleisu ndina le esi kotiNe Alla Eni nanae.

Yohanese 4:36

Meije petu kena ite ulu hasile. Petu meije Alla Iono tamata esi hlaleke lokoI leke seli imi susate. Kai tamata rebe esi hlaleke esi supu rue kai Alla eti pela. Leke saka tamata maka andinu kai tamata maka ulure, ite lalemaru ndina sakesa le ite supu miseta bokala.

Galatia 6:8

Le sire pine iono saisare lulu eni atate rebe tiare, namake esi hasile imatae atate mere neka. Po sepo iono saisare lulu Ro Misete Eni sukare, namake Ro Misete Iono isupu rue kai Alla eti pela.

Pilipi 1:11

Kai Yesuse Krituse Iono imi hidupe batuke ono yelu rebe umise titinai. Eleki tamata maketa esi selu saisa rebe imi onoule hoko esi holmate Alla kai esi isikeNi.

Ibrani 12:11

Kena ite supu hnaune pise supu tetare, ite lalemaru ndina mo le ite blake kera. Po namake pine bei hnaune mere iteki hidupe lulu Tuhane Eni sukare kai ite lalemaru ndina titinai.

Yakobuse 1:20

Le tamata rebe inasu nunure iono saisa rebe misete lulu Alla Eni sukare mo.