Tatike pine Uonore 6:6 - Janji beluke

⁶ Kena kuda metene mere sirire au lene lepate bei tanei kwanala ata meru esi tlelare be, “Gaji petu esare batuke panuhu sabe gandume cupa esa pise sabe gandume oani makete cupa telu. Po atia saituna ainaru yake kai atia ndinu anggure yake!”

Tatike pine Uonore 6:6 ပူးပေါင်းရင်းမြစ်များ

Matiuse 24:7

Le nusa esi lisa kai nusa makete kai hena esi lisa kai hena makete lekwe. Mananaru roma tamata moneka hoko bokala esi mata kai isu bokala uono kena otoi bokala.

Tatike pine Uonore 4:6

Kai me otoi maka rue mere esi oaije, oani sae me selu saka meite bei kaca pise kristale selu siba. Kena otoi maka rue mpe tlare esi leini keholi selu tanei kwanala ata, esi oalaleiju kai esi mulinu penu kena matainai.

Tatike pine Uonore 4:8

Kai tanei kwanala ata meru esi balakibiti ne papelakelu. Esi matai kena nanakwalaiju kai balakibitu pusulu. Kai tanei kwanala meru pita kai kpetu umenani rame be: “Isike Tuhane Alla. Isike Tuhane Alla, le Eni kbasare ela titinai. Tuhane Imisete titinai le Eni dosa sae mo, misete titinai le Eni dosa sae mo, misete titinai le Eni dosa sae mo. Tuhane bei akmena Amei peneka, kena meije Amei kai eti pelare Amei lekwe.”

Tatike pine Uonore 7:3

Ikloloe be, “Atia meite pise kmalane kai aiaru yamina, namake eti ami tolae tanda kena tamata rebe esi kerike ete Allare oalaleisu pela mina!”

Tatike pine Uonore 9:4

Kai kwaua meru supu lake bei Alla leke uatia tapuana pise tnanela kai aiya mei nusare yake. Batuke ono susate ete tamata rebe tanda bei Alla sae kena oalaleije more.