Tatike pine Uonore 3:7 - Janji beluke

⁷ Eleki Yesuse Ibeteke ete au be, “Aleki ete malekate rebe iraka jemate toini me kota Piladelpiare be, ‘Meije lepata bei Au rebe mise titinai le Auku dosa sae mo kai nkenale. Auku kbasare lupe akmena kamale Dauta eni kbasare. Kbasa meije lupe kuncire. Sepo Au baeke meture hoko sae makete isupu kobue mo kai sepo Au kobue meture hoko sae makete isupu baeke mo. Hoko Auku kbasare lesi bei kbasa makete.

Tatike pine Uonore 3:7 ပူးပေါင်းရင်းမြစ်များ

Matiuse 16:19

Kai kena Alla Ipletae imi tamatare Au riluke kbasa etemu kena ature tamata. Saisa rebe alake tamata leke esi ono mo pise saisa rebe asuka tamata esi onoe mei nusare, Alla ndete surgare lekwe Isukae.”

Matiuse 24:35

Tatike pine pusu nusa kai lanite meije atiae, po Auku lepataru sirikelu mo, saisa rebe au betekelu tinai eti pela.”

Markuse 1:24

“Yesuse tamata Nasarete, Akwale ami yake. Alomei kena atia ami moyo? Au rekware Ale bei Alla kai Amu dosa sae mo.”

Lukase 1:32

Kwetele mere namake Eni kbasare ela kai tamata esi kotiNe Alla Elake titinaije Eni Nanae. Kai Tuhane Alla Iono Ipleta kena Eni ntuane mena kamale Dauta lakwaije,

Lukase 4:34

Hei Yesuse, tamata Nasarete. Akwale ami yake. Alomei kena atia ami moyo? Au rekware Alla Iulake Ale. Amise titinai le Amu dosa sae mo.”

Yohanese 14:6

Yesuse Iombe, “Au meje pine ono lalane ete tamata rebe esi keu loko Allare. Bei Au pine tama esi rekwa saisa rebe nkenale bei Allare kai esi supu rue kaiNi eti pela. Sire rebe ikeu loko AmaKu, batuke isakesa kai Au pine tetue AmaKu.

1 Yohanese 5:20

Ite rekwa be Alla Eni Nanare Iluake loko ite peneka kai Iatetuke ite peneka, leke ite rekwa Alla rebe nkenale. Ite kai Allare esa kai ite kai Eni Nanae Yesuse Kristuse esa lekwe. Ilere, Alla rebe nkenale kai rebe Iono rue mise eti pelare.

Tatike pine Uonore 1:11

Nai mere eombe, “Saisa rebe aselure alekie kena buku kuesa eleki natuele ete jemate toini itua me kota itua meiju: Epsuse, Smirna, Pergamuse, Tiatira, Sardise, Piladelpia kai Laodikia.”

Tatike pine Uonore 1:18

Kai rebe kwana eti pela. Au mata peneka po meije Au kwana eti pela. Kai matale Au kbasaele kai tamata matale esi otoi maka ruere Au kbasaele neka.

Tatike pine Uonore 15:3

Eleki esi menanie lagu rebe Musa, Alla Eni makerike imenaniele kai lagu rebe Domba Anaije Imenaniele. Lagu mere be, “Tuhane, Alla Maka Kbasa elake titinai. Amu makerikaru pusulu ela kai tebikelu, Kamale ete pusue bangsa, Amu cara kena tapa Amu tamataru nkena kai tinai!

Tatike pine Uonore 16:7

Kai au lene lepate bei otoi maka pala binatane rebe rilukele ete Allare be, “Alla Amu kbasare ela titinai. Saisa rebe Ateure tinai kai nkena.”

Tatike pine Uonore 19:11

Eleki au selu surga baeke eleki au selu kuda putile. Kai ile rebe sa kenare eni nane, Nkenale kai Persayai le iono lulu Alla Eni lepataru rame. Iteu pakala kena nkenale kai ilisa kena nkenale.

Tatike pine Uonore 19:2

Isike Alla le Eni hukume nkena kai tinai. Iteu hukumane ete kota elake, rebe sakesa kai bina lalane rebe piasare isablia kai mokwaiaru. Tamata me kota mere esi uma pusue tamata mei nusa leke esi ono dosa kai tatu loko tuhane tinai more esi lakaije. Tuhane ihukume Babele le tamata rebe me Babele esi bunu Alla Eni tamata makerikaru.”

Tatike pine Uonore 2:1

Eleki Yesuse Ibeteke ete au be, “Aleki ete malekate rebe iraka jemate toini me kota Epsuse be, ‘Meije lepata bei Au rebe lalake kmalea itu kena Auku bala makwanale kai Au keu me otoi maka tolae lampua ituaru esi lelale rebe ono bei mase esi klelare.

Tatike pine Uonore 21:5

Eleki Ile rebe Irue kena otoi maka rue mere Ibeteke be, “Kena meije Au ono pusulu belu!” Ibeteke lokoku lekwe be, “Leki pusue lepate meije le tinai hoko namake tamata esi lene lokole.

Tatike pine Uonore 3:14

Eleki Yesuse Ibeteke ete au be, “Aleki ete malekate rebe iraka jemate toini me kota Laodikiare be: ‘Meije lepata bei Au rebe kotie Aure Amine. Au sasike rame kena beteke Alla kena laleKue titinai leke tamata esi rekwa mere tinai Alla Itolae nusa kai lanite meije baue Au.

Tatike pine Uonore 4:8

Kai tanei kwanala ata meru esi balakibiti ne papelakelu. Esi matai kena nanakwalaiju kai balakibitu pusulu. Kai tanei kwanala meru pita kai kpetu umenani rame be: “Isike Tuhane Alla. Isike Tuhane Alla, le Eni kbasare ela titinai. Tuhane Imisete titinai le Eni dosa sae mo, misete titinai le Eni dosa sae mo, misete titinai le Eni dosa sae mo. Tuhane bei akmena Amei peneka, kena meije Amei kai eti pelare Amei lekwe.”

Tatike pine Uonore 5:9

Kai esi menanie lagu beluke be: “Asupu kbasa kena rana buku rebe luluke mere kai bara esi segelaru. Le Asupu bunu kai ponike Amu lalakwe ete pusue tamata mei nusa bei papelake tamata mei nusa. Asabe pususi kena Arilukesi ete Alla.

Tatike pine Uonore 6:10

Kai esi kloloe be, “Tuhane rebe Kbasa Ela Titinai, rebe mise titinai le dosa sae mo kai nkenale. Roma petua ila sa pine Ateu pakala ete tamata rebe esi bunu ami rebe rue mpe nusare kai Ahukumesie?”