Tatike pine Uonore 21:3 - Janji beluke

³ Eleki au lene na elake bei otoi maka rue kena pleta mere be, “Kena meije Alla Irue sakesa kai tamata. Hoko siere Alla Eni tamata kai batuke esi tatu lokoI.

Tatike pine Uonore 21:3 ပူးပေါင်းရင်းမြစ်များ

Yohanese 1:14

Esi kotie Yesuse, Alla Eni lepate ete ite tamatare. Ruaije Alla po Iono tamata kena Irue sakesa kai ite mei nusa meije po takwali mo kai kena mere ite selu Eni kbasa peneka. Eni kbasare ela titinai le Ile Tuhane Alla Eni Nanae esane. Pusue rebe nkenale bei Allare, ite rekwa titinai kai Alla Eni lale misete rebe mise titinai ete itere, ite rekwa beiNi.

Yohanese 14:23

Yesuse Iombe, “Sepo sire ilulu Auku lepataru hoko mere ioki Au titinai. Kai Amaku Iokini. Kena meije Au kai Amaku Ami me kaini.

2 Korintuse 6:16

Piasare tolae tuhane tinai more kena Tuhane Eni Lumare yelo? Saisa mo! Kai ite meiju saka Alla rebe Ikwana eti pelare Eni luma le Ime ite lalemaru. Le saka Alla Eni lepate be: “Namake Au rue kaisi, kai Au me kaisi pela olase. Aure esi Alla, kai siere Auku tamata.”

2 Korintuse 6:18

Au ono Amate ete imi, kai Auku anae kena imi. Tuhane Maka Kbasare Eni lepate ele mere.”

1 Tesalonika 3:11

Ami kotie loko Iteki Alla Amate kai iteki Tuhane Yesuse be, “Ama kai Tuhane, Abuka lalane ete ami kena luake lokosi me kota Tesalonika noma.

Ibrani 11:16

Po mo le esi suka otoi rebe emise lesi bei nusa meije. Otoi mere ndete surga. Ele mere hoko Alla Iasomi mo kena esi beteke be esi Tuhane kena Alla, le Iaknekae otoi kena esi rue kena peneka.

Ibrani 8:10

Po namake Au ono janji esa kai pusue Israelaru esi anubuaru. Au tolae Auku aturane me lalesi kai Au lekie me esi maka noake leke esi rekwae eleki esi lulue. Au ono Tuhane etesi kai esi ono Auku tamata.

Ibrani 8:2

Ikerike Imame Elake Lakwai esare eni makerike ndete surga, otoi moli titinai, rebe Tuhane ruaI onoe. Ikerike me Alla Eni otoi mei nusa meije mo, rebe tamata ionore.

Tatike pine Uonore 10:4

Eleki kena kla toini itu meru lepa pela, au suka kena lekie po au lene lepate bei ndete surga be, “Saisa rebe kla toini itu meru betekele asibake yake kai aleki yake!”

Tatike pine Uonore 10:8

Kai lepate rebe bei ndete surga loko aure elepa suike lokoku be, “Keu rana buku tone rebe eme kena malekate rebe ikele kena meite kai kmalane eni balaije.”

Tatike pine Uonore 12:10

Kena nagare kai esi malekataru supu poie lope nusare, au lene na elake bei ndete surga be, “Meije petu kena Alla Ihlamate tamata rebe hlaleke lokoIje. Kai meije Alla Itiluke Eni kbasare leke Ikbasae tamata saka kamale. Kai meije lekwe Kamale rebe Alla ItalukeNi kena Ihlamate tamatare ItilukeNi kbasare, le naga rebe pita kpetu itutuke tamata rame rebe esi hlaleke loko Tuhane me Alla oaIje, esupu poie bei ndete surga lope nusare peneka.

Tatike pine Uonore 21:7

Sie rebe esi lesi ro tiaru esi elake le esi tatu lokoi mo kai esi hlaleke titinai loko Au tatike pine Au riluke misete rebe Au talukele ete imi pusuime. Kai Au ono Alla etesi kai esi kotie Aure Ama.

Tatike pine Uonore 22:3

Me kota mere Alla Ikutuke sasaisa moneka. Alla kai Domba Anai mere Esi otoi maka rue kena pletare namake pine eme kota mere. Kai Eni makerikaru esi tatu lokoI,

Tatike pine Uonore 7:15

Bei mere eti esi kele me Alla oaI me Eni otoi maka rue kena pletare kai esi layaniNi rame pita kpetu me Tuhane Eni Luma. Kai Ile rebe Irue kena otoi maka rue mere Irue kaisi leke Irakasi.