Tatike pine Uonore 21:21 - Janji beluke

²¹ Kai metua butu esa lesini lua meru bei mutiara butu esa lesini lua, metu esare ono bei mutiara esa. Lalane me kota mere ono bei mase misete titinai kai selue hita saka kacare.

Tatike pine Uonore 21:21 ပူးပေါင်းရင်းမြစ်များ

Tatike pine Uonore 17:4

Bina mere ialike kamale eni pakiane mahmelane kai lalakwe lakwai esa kai andulikeni kena taneia bei mase, permata kai mutiara. Kai ilalake oba bei mase rebe epenu kena atate tiae rebe supue bei bina mere iabelie nanakwalaije kai itatu loko tuhane tinai more esi lakaije.

Tatike pine Uonore 18:16

Esi beteke be, “Malere! Kota elake rebe tamata bokala esi rekwae mere atia pusu peneka. Kota mere saka kamale eni bina rebe selui kliti le eni pakianaru bei obite misete titinai, obite mahmelana kai lalakwe rebe esi beline ela titinai kai mase, permata kai mutiara.

Tatike pine Uonore 21:15

Malekate rebe ilepa kai au mere ikerike toane buai maka sue bei mase kena sue kota mere, esi metuaru kai esi temboke.

Tatike pine Uonore 21:18

Kota mere esi temboke bei batu misete permata yaspise kai kotare ruale bei mase misete titinai, li siba saka kaca.

Tatike pine Uonore 22:2

ekeue lalane esi tlaije me kota mere. Me kwele mere esi leine, aia rebe uono tamata ikwanare ukusu ndi teba mpai teba. Musune esare aia meru ubua rebai butu esa lesini lua. Hoko bulane esare rebai esa. Esi tetuiju eono obate ete pusue tamata mei nusa.

Tatike pine Uonore 4:6

Kai me otoi maka rue mere esi oaije, oani sae me selu saka meite bei kaca pise kristale selu siba. Kena otoi maka rue mpe tlare esi leini keholi selu tanei kwanala ata, esi oalaleiju kai esi mulinu penu kena matainai.