Tatike pine Uonore 18:24 - Janji beluke

²⁴ Tamata Babele esi supu hukume elake titinai le esi bunu nabiaru kai Alla Eni tamata maketaru. Mere esi bunu pusue tamata rebe esi sala sae mo me Alla oaIje.”

Tatike pine Uonore 18:24 ပူးပေါင်းရင်းမြစ်များ

Matiuse 23:27

Kuru Torata kai tamata Parisia imi, imi tamata maka ono misete lelemake! Namake Alla Ihukume imire ktili. Imire lupe nitu latai rebe cete kena putile. Me mulire selue nteki po mpe lalere penu kena lulinaru kai mpulute.

Matiuse 23:35

Bei mere hoko Alla Ihukume imi le imi ntuana menaru esi bunu pusue tamata rebe esi nsalale sae more. Esi bunu tamata bokala menai bei Habela rebe eni nsalale sae more isupu bunu eti roma Sakaria (Berekia eni nanare), rebe isupu bunu me Tuhane Eni Lumare kai me otoi maka riluke tanei kena pala ete Allare.

Maka Ulakaru 7:52

Nabi sae neka isupu susate beie imi ntuana menaru. Esi bunu pusue Alla Eni maka ulaka rebe kena akmena esi beteke etesi be Yesuse rebe Eni sala sae more, Iluake. Kai meije imi rilukeNi ete tamata rebe suka bunuIje pende.

1 Tesalonika 2:15

Tamata Yahudia meru rebe akmena esi bunu nabiaru, eleki pamuli meije esi bunu iteki Tuhane Yesuse kai meije esi ono susate ete ami. Alla Ionosi titinai. Esi rare kai pusue tamata.

Tatike pine Uonore 11:7

Kai kena esi lepae Alla Eni lepataru pela, binatane rebe siri bei matale esi benaije elisa kaisi. Elesi kai ebunusi.

Tatike pine Uonore 16:6

Le esi bunu nabiaru kai Tuhane Eni tamata maketaru. Hoko Aonosi kinu lalakwe. Aonosi supu hukumane ele mere panuhu!”

Tatike pine Uonore 17:6

Eleki au selu bina mere laleije ndina titinai kena isuka bunu Alla Eni tamata rebe esi dosa sae mo, rebe esi lepae Yesuse Eni hnaunaru saka tamata rebe isuka titinai kena kinu anggure eti inseli. Kena au selu bina mere au herane titinaije neka.

Tatike pine Uonore 19:2

Isike Alla le Eni hukume nkena kai tinai. Iteu hukumane ete kota elake, rebe sakesa kai bina lalane rebe piasare isablia kai mokwaiaru. Tamata me kota mere esi uma pusue tamata mei nusa leke esi ono dosa kai tatu loko tuhane tinai more esi lakaije. Tuhane ihukume Babele le tamata rebe me Babele esi bunu Alla Eni tamata makerikaru.”