Tatike pine Uonore 18:23 - Janji beluke

²³ Kai tamata esi selu lampuaru kliti kena kota mere moneka kai sae ilene tamata naisi kena totliba kena kota mere moneka. Namake kota elake mere supu hukumane ele mere le tamata maka abelia rebe esi rue ete mere esi tanei boka lesi bei tamata makete mei nusaru, kai tamata me kota mere esi ono palmane ete pusue tamata mei nusare esi supu lemake.

Tatike pine Uonore 18:23 ပူးပေါင်းရင်းမြစ်များ

Maka Ulakaru 8:11

Kai esi lului le iono lalesi herane eni tanda heranaru kena eni kbasa bei ro tiare takwali peneka.

Tatike pine Uonore 12:9

Naga elake mere kai eni malekataru esi supu poie bei lanite lope nusare. Naga mere niakwe ntuane rebe esi nane ro tiare esi elake pise litare esi elake rebe elemake tamata mei pusue nusare.

Tatike pine Uonore 17:2

Kamala mpe nusare esi ono lulu Babele esi agamare mere saka esi ono ntasite kai bina mere peneka. Kai pusue tamata mei nusare lulu esi atataru saka esi nseli le esi kinu bina lalane mere eni anggure.”

Tatike pine Uonore 17:5

Kena oalaleije leki nane sae me rebe esi nana bunike esi natire sa. Nane mere, “Babele kota elake! Kota rebe atetuke pusue tamata mei nusa leke esi sablia kai ono tiae rebe Tuhane Isuka kwale moneka.”

Tatike pine Uonore 18:22

Pusue yelu rebe tamata Babelaru esi onore sae moneka. Kai maka klemake kecapiaru kai maka menaniaru, kai maka hbue suline kai tabuli, sae ilene naisu me kota mere moneka. Kai tamata makerike rebe irekwa titinai, sae itetuesi kena kota mere moneka, kai sae ilene batu maka giline gandume esi tuleije moneka.

Tatike pine Uonore 18:3

Kota Babele atiae le esi atate lupe bina lalane neune rebe iinuke mokwai kena anggure leke esi sablia kaini. Ele mere lekwe, tamata rebe esi rue me kota Babele esi umauke pusue tamata mei nusa kena ono dosa kai nsalale kai esi tatu loko tuhane tinai more esi lakaiju. Kamala mei nusaru lekwe esi sakesa kai tamata Babelaru esi ono dosa kai esi ono ntasite lupe mokwai isablia kai bina lalane. Maka abeliaru esi supu taneia boka le tamata Babelaru lalesi loko taneia boka.”

Tatike pine Uonore 18:9

Tamata Babela esi taneiaru eono kamala mei nusaru esi taneia boka le pususi ono dosa kai sala, sakesa kai mokwai rebe intulu kai bina lalane le lalesi lokoije, pususi rani hnasike le kota Babele elake mere kotu pusu peneka eleki auwe kweine sou pusue.

Tatike pine Uonore 21:8

Po tamata rebe esi sele le rilasi, kai rebe esi hleke bei hlaleke loko Yesuse, rebe esi ono atate rebe eandopoke nanakwalaisu, tamata maka bunu, tamata maka ono ntasite, tamata rebe pake-pake, tamata maka hlaleke loko tuhane tinai mo kai pusue tamata nloene, esi supu poie kena auwe saelae meite kai belerane rebe ekliti rame mere. Mere mata rebai luare.”

Tatike pine Uonore 22:15

Po tamata rebe esi ono ndopone kai tamata maka atiaru, tamata lalanaru, tamata maka bunu, tamata maka tatu loko tuhane tinai more esi lakaiju kai tamata maka lemake rame, sie meru esi rue me kota mere esi mulini.

Tatike pine Uonore 22:5

Esi perlu lampu kai kabalane moneka le kpeture sae mo le Tuhane Alla ruaI hitasi. Tatike pine sie rebe esi hlaleke lokoIje esi pleta sakesa kaiNi eti pela.

Tatike pine Uonore 6:15

Kai kamala mei nusare, tamata elakaru, solaluaru esi elakaru, tamata rebe esi taneia boka, tamata rebe esi kbasa, tamata makerike kai tamata rebe kerike ete sae makete mo pususi kbuni kena liana benai kai batua ndete ulataru esi tlelaru.

Tatike pine Uonore 9:21

Kai esi hleke bei maka bunu mo, bei atia tamata mo, bei ono ntasite mo kai bei ndeane mo.