Tatike pine Uonore 18:2 - Janji beluke

² Eleki ikloloe kena na elake be, “Babele kota elake atia peneka! Pamuli meije ro tiaru esi otoi maka rue peneka. Kena esi laleije manua rebe ndopona kai rebe tamata esi suka more urue kenae.

Tatike pine Uonore 18:2 ပူးပေါင်းရင်းမြစ်များ

Tatike pine Uonore 1:15

Eni lelale hita saka tembagare pala kena auwere pine ehitare. NaIje sakesa kai kwele elake etetu lapate esi tuleije.

Tatike pine Uonore 10:3

Kai ikloloe lupe singare enalare. Eleki kena ikloloe pelare kla toini itu uela titinai ulelelie na elake mere.

Tatike pine Uonore 11:8

Kai lua nanakwalaisu balila me kota elake rebe paku esi Tuhane ahlake ai bataije kenare esi mahpaite. Kota mere saka Sodome pise Mesire neka le tamata me kota mere esi neu kuate.

Tatike pine Uonore 14:15

Eleki malekate makete isiri bei Tuhane Eni Luma rebe ndete surgare kai ikloloe kena na elake loko ile rebe irue kena moputire esi babaije be, “Bitike Amu sabite kena ahukume pusue tamata mei nusare, saka rana ndinu rebe esi hasile plisi kena ranare.”

Tatike pine Uonore 14:8

Eleki malekate makete nomore luare itutumulieni kai ibeteke be, “Babele kota elake supu atia peneka. Le tamata rebe esi ete mere esi umauke pusue bangsaru leke hlaleke Alla yake saka bina neune rebe iinuke mokwai leke lalesi lokoije.”

Tatike pine Uonore 16:13

Kai au selu ro tiae telu saka lotu. Sae esiri bei nagare esi biruije, sae esiri bei binatane esi biruije kai sae esiri bei nabi tinai more biruije. Nabi tinai mo mere binatane nomore luare.

Tatike pine Uonore 16:19

Eleki kota elake Babele setele kena telu kai bangsaru esi kotaru atia pusulu. Alla Inete loko kota elake Babele esi dosaru rame. Hoko Iono tamata kota meru esi kinu bei oba rebe epenu kena Alla Eni hukumane. Alla Ihukume kota elake Babele ele mere.

Tatike pine Uonore 17:18

Kai bina lalane rebe aseluije, mere kota elake rebe epletae pusue kamala mei nusare.”

Tatike pine Uonore 17:5

Kena oalaleije leki nane sae me rebe esi nana bunike esi natire sa. Nane mere, “Babele kota elake! Kota rebe atetuke pusue tamata mei nusa leke esi sablia kai ono tiae rebe Tuhane Isuka kwale moneka.”

Tatike pine Uonore 18:10

Esi kele bei lauke esi limese kota mere koture, le rilasi le supu hukumane mere lekwe. Kamala meru esi beteke be, “Malere, malere titinai! Kota elake rebe tamata bokala esi rekwae, rebe ktiline, yo sasare atia peneka.”

Tatike pine Uonore 18:21

Eleki malekate sae me iktili titinaije neka ibitike batu sae me esi elaka saka batu maka giline gandume rebe ela titinaije. Eleki ipoiele kena meite kai ibeteke be, “Sakesa kai kota Babele rebe elake mere neka, poie lope tiktili leke atiae.

Tatike pine Uonore 5:2

Eleki au selu malekate sae me iktili titinai ikloloe be, “Sire isupu kbasa kena bara segelaru bei buku rebe lulukele kai buka bukure leke baisele?”