Tatike pine Uonore 18:19 - Janji beluke

¹⁹ Eleki esi rana lopone eleki esi libuke kena uluisu le lalesi susa kai esi rani hnasike kota mere lekwe. Esi beteke be, “Malere, Kota Babele rebe tamata bokala esi rekwae meije esupu susate elake peneka. Bei kota meije pine pusue tamata rebe esi kapalaru esi taneia boka. Po sasare yo kota meije esi taneiaru atia pusulu peneka.”

Tatike pine Uonore 18:19 ပူးပေါင်းရင်းမြစ်များ

Tatike pine Uonore 17:16

Kai sepai butu esa rebe aselure, meru kamala butu esare. Namake esi sakesa kai binatane mere, lalesi tiake kota Babele kai esi atiae. Mere saka esi rana pusue bina lalane eni pakiane leke ikalaku, kai esi kahi pusue tinaiju kai esi poiele kena auwe.

Tatike pine Uonore 18:10

Esi kele bei lauke esi limese kota mere koture, le rilasi le supu hukumane mere lekwe. Kamala meru esi beteke be, “Malere, malere titinai! Kota elake rebe tamata bokala esi rekwae, rebe ktiline, yo sasare atia peneka.”

Tatike pine Uonore 18:3

Kota Babele atiae le esi atate lupe bina lalane neune rebe iinuke mokwai kena anggure leke esi sablia kaini. Ele mere lekwe, tamata rebe esi rue me kota Babele esi umauke pusue tamata mei nusa kena ono dosa kai nsalale kai esi tatu loko tuhane tinai more esi lakaiju. Kamala mei nusaru lekwe esi sakesa kai tamata Babelaru esi ono dosa kai esi ono ntasite lupe mokwai isablia kai bina lalane. Maka abeliaru esi supu taneia boka le tamata Babelaru lalesi loko taneia boka.”

Tatike pine Uonore 18:8

Hoko masike batuke petu esa isupu manane mo, po irani titinai kai imata peneka. Kai namake kotui. Le Au ruaku pine Au kbasa. Au ruaKu teu pakala kena eni dosaru.”