Tatike pine Uonore 18:10 - Janji beluke

¹⁰ Esi kele bei lauke esi limese kota mere koture, le rilasi le supu hukumane mere lekwe. Kamala meru esi beteke be, “Malere, malere titinai! Kota elake rebe tamata bokala esi rekwae, rebe ktiline, yo sasare atia peneka.”

Tatike pine Uonore 18:10 ပူးပေါင်းရင်းမြစ်များ

Tatike pine Uonore 11:8

Kai lua nanakwalaisu balila me kota elake rebe paku esi Tuhane ahlake ai bataije kenare esi mahpaite. Kota mere saka Sodome pise Mesire neka le tamata me kota mere esi neu kuate.

Tatike pine Uonore 14:8

Eleki malekate makete nomore luare itutumulieni kai ibeteke be, “Babele kota elake supu atia peneka. Le tamata rebe esi ete mere esi umauke pusue bangsaru leke hlaleke Alla yake saka bina neune rebe iinuke mokwai leke lalesi lokoije.”

Tatike pine Uonore 16:19

Eleki kota elake Babele setele kena telu kai bangsaru esi kotaru atia pusulu. Alla Inete loko kota elake Babele esi dosaru rame. Hoko Iono tamata kota meru esi kinu bei oba rebe epenu kena Alla Eni hukumane. Alla Ihukume kota elake Babele ele mere.

Tatike pine Uonore 17:12

Kai sepai butu esa rebe aselu pende mere kamala butu esa rebe esi pleta mosa. Po esi supu kbasa kena pleta saka kamale sakesa kai binatane mere olase ului esa.

Tatike pine Uonore 18:18

Pususi kloloe le aure koti pusue kota mere. Esi klolo be, “Ayo! Mei nusa meije kota sae makete esakesa kai kota Babele meije mo.”

Tatike pine Uonore 18:19

Eleki esi rana lopone eleki esi libuke kena uluisu le lalesi susa kai esi rani hnasike kota mere lekwe. Esi beteke be, “Malere, Kota Babele rebe tamata bokala esi rekwae meije esupu susate elake peneka. Bei kota meije pine pusue tamata rebe esi kapalaru esi taneia boka. Po sasare yo kota meije esi taneiaru atia pusulu peneka.”

Tatike pine Uonore 18:21

Eleki malekate sae me iktili titinaije neka ibitike batu sae me esi elaka saka batu maka giline gandume rebe ela titinaije. Eleki ipoiele kena meite kai ibeteke be, “Sakesa kai kota Babele rebe elake mere neka, poie lope tiktili leke atiae.

Tatike pine Uonore 18:8

Hoko masike batuke petu esa isupu manane mo, po irani titinai kai imata peneka. Kai namake kotui. Le Au ruaku pine Au kbasa. Au ruaKu teu pakala kena eni dosaru.”