Tatike pine Uonore 17:4 - Janji beluke

⁴ Bina mere ialike kamale eni pakiane mahmelane kai lalakwe lakwai esa kai andulikeni kena taneia bei mase, permata kai mutiara. Kai ilalake oba bei mase rebe epenu kena atate tiae rebe supue bei bina mere iabelie nanakwalaije kai itatu loko tuhane tinai more esi lakaije.

Tatike pine Uonore 17:4 ပူးပေါင်းရင်းမြစ်များ

Tatike pine Uonore 14:8

Eleki malekate makete nomore luare itutumulieni kai ibeteke be, “Babele kota elake supu atia peneka. Le tamata rebe esi ete mere esi umauke pusue bangsaru leke hlaleke Alla yake saka bina neune rebe iinuke mokwai leke lalesi lokoije.”

Tatike pine Uonore 18:12

Namake iteki mase, perake, permata, mutiara, obite misete titinai kai obite mahmelane, obite lalakwe, aia rebe esi boinu ntele, taneia bei gaja nelini, taneia bei ai rebe esi beline elake, bei tembaga, pesi kai bei batu karane rebe kberele kai selua kliti,

Tatike pine Uonore 18:16

Esi beteke be, “Malere! Kota elake rebe tamata bokala esi rekwae mere atia pusu peneka. Kota mere saka kamale eni bina rebe selui kliti le eni pakianaru bei obite misete titinai, obite mahmelana kai lalakwe rebe esi beline ela titinai kai mase, permata kai mutiara.

Tatike pine Uonore 19:2

Isike Alla le Eni hukume nkena kai tinai. Iteu hukumane ete kota elake, rebe sakesa kai bina lalane rebe piasare isablia kai mokwaiaru. Tamata me kota mere esi uma pusue tamata mei nusa leke esi ono dosa kai tatu loko tuhane tinai more esi lakaije. Tuhane ihukume Babele le tamata rebe me Babele esi bunu Alla Eni tamata makerikaru.”

Tatike pine Uonore 21:21

Kai metua butu esa lesini lua meru bei mutiara butu esa lesini lua, metu esare ono bei mutiara esa. Lalane me kota mere ono bei mase misete titinai kai selue hita saka kacare.

Tatike pine Uonore 9:21

Kai esi hleke bei maka bunu mo, bei atia tamata mo, bei ono ntasite mo kai bei ndeane mo.