Tatike pine Uonore 16:5 - Janji beluke

⁵ Kai au lene malekate rebe ikbasae kwele mere ibeteke be, “Ale rebe Aono hukume meije Ankena, Ale rebe bei akmena sa Ame peneka, Amise titinai le Amu dosa sae mo.

Tatike pine Uonore 16:5 ပူးပေါင်းရင်းမြစ်များ

Yohanese 17:25

AmaKu, Ankena! Tamata mei nusa meije esi rekwa Ale mo, po Au rekwa Ama Ale. Kai Auku maka luluaru lekwe esi rekwa be Au luake lomei nusare, Ama Aulake Au.

Roma 2:5

Po ulu buaimu ela kena hleke imi atate tiae mere. Ele mere hoko imi ruami tapa imi hukumane ektili kena petu rebe nusare kohore, rebe namake Alla Iaseluke Eni nasute kena Iteu hukumane nkenale.

Roma 3:5

Hoko ite ono saisa rebe enkena more, mere eono Alla Eni nkenale selue, po yapine leini esi beteke be: “Sepo Alla Ihukume ite, hoko Inkena mo.” Mere batuke tamata inoake neka.

Tatike pine Uonore 1:4

Au Yohanese, au leki sulate meije ete imi jemata toini itu me otoi Asia tone. Au kotie loko Alla ete imi leke Iriluke misete ete imi kai lalemi ndene noma. Imi supu misete kai lalemi ndene mere bei Alla, Ro Misete kai Yesuse Kristuse. Alla rebe bei akmena sa Ime peneka, kena meije Eri me kai eti pela Eri me. Ro Misete mere kotiNe Roa Itu rebe ume Alla oaIje. Yesuse Kristuse mere saksi rebe Ibeteke Alla Eni nkenale kena laleIje titinai kai Ikwana akmena bei tamata matalaru kai Ikbasae pusue kamala mei nusa meije. Yesuse Ioki ite hoko Eni lalakwe ponikele kena tie ite bei iteki dosaru.

Tatike pine Uonore 1:8

Tuhane Alla Ibeteke be, “Aure Alfa kai Omega. Le Akmenare Au me peneka, kena meije Auru mei kai eti pela Auru meije neka.” Au pletae nusa meije kai lanite.

Tatike pine Uonore 11:17

Esi beteke be, “Tuhane, Alla rebe Amu kbasa elake, rebe bei akmena Ame peneka kai meije Ame lekwe; ami kotie trima kasi eteMu le Apake Amu kbasa elake peneka. Kai Apleta menai lupe kamale peneka,

Tatike pine Uonore 16:4

Kai malekate nomore telure ihonike eni obare esi laleije lope kwelearu kai kwele bolaiju eti pusulu lelie lalakwe.

Tatike pine Uonore 16:7

Kai au lene lepate bei otoi maka pala binatane rebe rilukele ete Allare be, “Alla Amu kbasare ela titinai. Saisa rebe Ateure tinai kai nkena.”

Tatike pine Uonore 19:2

Isike Alla le Eni hukume nkena kai tinai. Iteu hukumane ete kota elake, rebe sakesa kai bina lalane rebe piasare isablia kai mokwaiaru. Tamata me kota mere esi uma pusue tamata mei nusa leke esi ono dosa kai tatu loko tuhane tinai more esi lakaije. Tuhane ihukume Babele le tamata rebe me Babele esi bunu Alla Eni tamata makerikaru.”

Tatike pine Uonore 4:8

Kai tanei kwanala ata meru esi balakibiti ne papelakelu. Esi matai kena nanakwalaiju kai balakibitu pusulu. Kai tanei kwanala meru pita kai kpetu umenani rame be: “Isike Tuhane Alla. Isike Tuhane Alla, le Eni kbasare ela titinai. Tuhane Imisete titinai le Eni dosa sae mo, misete titinai le Eni dosa sae mo, misete titinai le Eni dosa sae mo. Tuhane bei akmena Amei peneka, kena meije Amei kai eti pelare Amei lekwe.”

Tatike pine Uonore 6:10

Kai esi kloloe be, “Tuhane rebe Kbasa Ela Titinai, rebe mise titinai le dosa sae mo kai nkenale. Roma petua ila sa pine Ateu pakala ete tamata rebe esi bunu ami rebe rue mpe nusare kai Ahukumesie?”