Tatike pine Uonore 13:7 - Janji beluke

⁷ Eleki Alla Isebeie elisa kai tamata rebe esi hlaleke loko Tuhane kai elesisi. Kai esupu kbasa kena epletae pusue tamata mei nusa.

Tatike pine Uonore 13:7 ပူးပေါင်းရင်းမြစ်များ

Lukase 4:6

Eleki iombe, “Pusue nusa rebe au ono kamale kena au pletaele kai esi taneiaru, au riluke eteMu kena Akbasaele, le pusue meiju rilukele ete au peneka, hoko au rilukele ete sae neka rebe au suka rilukele etei.

Yohanese 19:11

Yesuse Iombe, “Sepo amu kbasa mere Alla Iriluke ete ale mo hoko akbasae Au mo. Hoko ile rebe iriluke Au ete ale leke hukume Aure, eni dosare ela lesi bei ale.”

Tatike pine Uonore 10:11

Eleki ibeteke loko au be, “Suke alepa Alla Eni lepataru suike lekwe ete pusue tamata mei nusa kai ete kamalaru.”

Tatike pine Uonore 11:18

kai pusue tamata rebe esi hlaleke loko Ale more esi nasukeMu, po petu kena Anasure meije peneka kai petu kena teu pakala ete tamata matale meije peneka. Kai petu kena pusue Amu tamata makerika tone pise elake pususi supu misete bei Ale lulu saisa rebe esi onore. Sie meru nabiaru, kai tamata makete rebe esi dosa sae mo rebe esi hlaleke loko Alere. Kai petu kena Aatia sie rebe esi atia tamata mei nusare.”

Tatike pine Uonore 11:7

Kai kena esi lepae Alla Eni lepataru pela, binatane rebe siri bei matale esi benaije elisa kaisi. Elesi kai ebunusi.

Tatike pine Uonore 12:17

Eleki naga mere enasuke bina mere, eleki ekeu lisa kai bina mere eni anubua maketaru. Mere sie rebe esi lulu Alla Eni pletaru kai rebe esi alenake yelu rebe Yesuse Ionoule.

Tatike pine Uonore 17:15

Eleki ibeteke loko au be, “Pusue kwele rebe aselu bina lalane mere irue kenare, mere pusue tamata mei nusaru.

Tatike pine Uonore 5:9

Kai esi menanie lagu beluke be: “Asupu kbasa kena rana buku rebe luluke mere kai bara esi segelaru. Le Asupu bunu kai ponike Amu lalakwe ete pusue tamata mei nusa bei papelake tamata mei nusa. Asabe pususi kena Arilukesi ete Alla.