Tatike pine Uonore 13:6 - Janji beluke

⁶ Eleki elepa tiae loko Alla, le ebeteke ruale Alla, kai elepae tiae loko Eni otoi maka rue kena pletare kai elepae tiae loko pusue sie rebe esi rue ndete surgare.

Tatike pine Uonore 13:6 ပူးပေါင်းရင်းမြစ်များ

Matiuse 12:34

Imi tamata neuna meru saka nanate, imi supu lepae lepate misete mo. Le saisa rebe imi lepaele mere esiri bei lalemi.

Matiuse 15:19

Le tamata laleije noake yelu tiaru hoko ibunu, isablia, iono ntasite, indea, ibeteke rebe tinai mo kena teu pakalare kai ilepae tiae ete tamata makete.

Yohanese 1:14

Esi kotie Yesuse, Alla Eni lepate ete ite tamatare. Ruaije Alla po Iono tamata kena Irue sakesa kai ite mei nusa meije po takwali mo kai kena mere ite selu Eni kbasa peneka. Eni kbasare ela titinai le Ile Tuhane Alla Eni Nanae esane. Pusue rebe nkenale bei Allare, ite rekwa titinai kai Alla Eni lale misete rebe mise titinai ete itere, ite rekwa beiNi.

Roma 3:13

Kena esi beteke sasaisare emise mo kai eono asomie tamata makete, kai esi lemake. Esi lepare eono tamata makete laleisu kera lupe niakwe rebe esi sasune.

Kolose 1:19

Le Alla Eni sukare pusue rebe ume kenaIje, ume kena Eni Nanare lekwe.

Kolose 2:9

Le kena Kristuse Iono tamatare, pusue rebe ume kena Allare ume kena Kristuse lekwe.

Ibrani 9:2

Esi kerike Tuhane Eni Lumare, esi pake obite kena ono tenda, esi sokati lua. Sokati me mukare esi kotiele sokati moli. Ete mere esi tolae otoi maka tolae lampu kai meja. Kai roti rebe piasare esi rilukele ete Allare esi tolae kena mejare esi babaije.

Ibrani 9:24

Le Kristuse Ikusu me otoi moli rebe tamata ionore mo, rebe batuke conto bei otoi moli rebe tinaije. Po Ikusu kena otoi moli titinai ndete surgare. Kai meije Iete ndetere, Ibalale Alla kena Itapa ite.

Tatike pine Uonore 11:12

Eleki nabia lua meru esi lene koti loko luasi kena na elake bei ndete surga be, “Mai, sa lomei!” Eleki luasi sa lolete surga, moputire kopa luasi kai luasi musuaru esi kele selu luasi.

Tatike pine Uonore 12:12

Ele mere hoko pusue rebe rue ndete surgare suke lalemi ndina. Po yelu mei nusare supu susate le ro tiaru esi elake erulu lokomi peneka kena lale nasute titinai le irekwa be petu kena eono neune lau mo pusure reneka.”

Tatike pine Uonore 15:5

Eleki au selu Tuhane Eni Luma ndete surgare. Esi meture baeke eleki au selu otoi mise titinai empai lale rebe tolae Alla Eni hukumaru kenare.

Tatike pine Uonore 18:20

Eleki lepate sae eombe, “Pusue imi ndete surgare suke lalemi ndina le kota elake meije atiare. Hei! Pusue Alla Eni tamata, Yesuse Eni maka ulake kai nabia, suke lalemi ndina! Le Alla Iono hukumane elake mere kena seli saisa rebe tamata Babelaru esi onoe ete imire.”

Tatike pine Uonore 21:3

Eleki au lene na elake bei otoi maka rue kena pleta mere be, “Kena meije Alla Irue sakesa kai tamata. Hoko siere Alla Eni tamata kai batuke esi tatu lokoI.

Tatike pine Uonore 4:1

Eleki bei mere au selu sae leneka. Au selu metu sae ebaeke ndete surga. Eleki au lene suike nai rebe akmena elepa loko au pende rebe esi tuleije lupe trompete, ebeteke be, “Sa lomei leke Au aseluke saisa rebe tatike pine eonore.”

Tatike pine Uonore 4:4

Eleki keholi otoi maka rue mere, otoi maka rue kena pleta butu lua lesini ata me kai kena otoi maka rue butu lua lesini ata meru elaka sie butu lua lesini ata esi rue kenae. Esi alike lapu putile kai kena uluisu, esi alike liute bei mase.

Tatike pine Uonore 5:13

Kai au lene pusue tanei kwanala ndete surgare kai rebe mei nusare kai tamata matala mpe nusa meije esi lebuije kai yelu ndau meite pususi menani be, “Ile rebe Irue kena otoi maka rue kena pletare kai ete Domba Anaije, ite isikesi, ite holmatesi, ite ono esi nane ela, kai ite alenake esi kbasaru eti pela!”

Tatike pine Uonore 7:15

Bei mere eti esi kele me Alla oaI me Eni otoi maka rue kena pletare kai esi layaniNi rame pita kpetu me Tuhane Eni Luma. Kai Ile rebe Irue kena otoi maka rue mere Irue kaisi leke Irakasi.

Tatike pine Uonore 7:9

Eleki bei mere au selu tamata boka titinai sae ineheke tekwasi moneka, sie meru bei pusue tamata mei nusa esi kele balale otoi maka rue kena pleta mere kai Domba Anaije. Esi alike lapu nanuke putile kai esi lalake kurma loini.