Tatike pine Uonore 11:8 - Janji beluke

⁸ Kai lua nanakwalaisu balila me kota elake rebe paku esi Tuhane ahlake ai bataije kenare esi mahpaite. Kota mere saka Sodome pise Mesire neka le tamata me kota mere esi neu kuate.

Tatike pine Uonore 11:8 ပူးပေါင်းရင်းမြစ်များ

Matiuse 10:15

Imi lene mimise! Kena Alla Iteu pakala ete imi tamatare, tamata kota mere esi supu susate ela titinai lesi bei akmena tamata kota Sodome kai kota Gomorare esi neune pine Alla Iatiaise.”

Maka Ulakaru 9:4

Eleki klolikeni lope tapele. Eleki ilene lepate lokoi be, “Sauluse, le mula pine aono susate ete Aure?”

Ibrani 13:12

Sakesa kai Yesuse neka: Eni Lalakwe pake kena ampune Eni tamataru esi dosaru, po Isupu susate eti Imatare me kota mulini.

Ibrani 6:6

Po lomei esi teheke kena hali muli bei esi maka hlaleke loko Yesuse peneka. Hoko atetukesi kena hleke bei ono dosare saisa moneka. Mere sakesa kai esi paku Alla Eni Nanare ahlake ai bataije suike kai esi lepae tiae lokoI me tamata bokala oasi.

2 Petruse 2:6

Sakesa kai kota Sodome kai Gomorare neka. Alla Ihukume kota lua meru kena auwe eti atia pusue leke ite rekwa be tamata rebe ilulu Tuhane Eni sukare more isupu hukumane elake.

Yudase 1:7

Imi nete loko kota Sodome kai Gomora, kai kota maketa rebe utehaikele. Saka malekata meru lekwe, tamata me kota Sodome kai Gomorare esi ono yelu rebe tiae titinai le esi sablia, ono yelu ntasite, mokwai esi ono loko mokwai hoko Alla Ipalasi kena auwe, leke pusue tamata esi nete loko Alla Eni hukume elake kena auwe elake rebe kliti eti pelare. Tamata neune namake esi supu hukume ele mere.

Tatike pine Uonore 11:13

Eleki kena mere neka isu ela titinai hoko kota mere robie esi elake lara butu esake (1/10) kota mere hoko tamata usata itu (7.000) esi mata le isu mere. Kai tamata maketaru rilasi titinaije neka eleki esi isike Alla rebe Indete surgare.

Tatike pine Uonore 11:9

Tamata bei pusue nusa meije esi selusi petua telu kai kwatai kai sae isuka kena hnouke luasi kena liane benai mo.

Tatike pine Uonore 14:20

Anggure buai meru kelekele me kota mulini. Lupe tamata esi keleke anggure kena otoi maka keleke anggure, esi kweline ponikele kai ebele lau titinai. Ele mere lekwe, tamata rebe hlaleke lokoI more esi supu bunu, esi lalakwe ebele saka kwele salaue kilometera utuna telu, kai esi nanuke mahake metera lua.

Tatike pine Uonore 14:8

Eleki malekate makete nomore luare itutumulieni kai ibeteke be, “Babele kota elake supu atia peneka. Le tamata rebe esi ete mere esi umauke pusue bangsaru leke hlaleke Alla yake saka bina neune rebe iinuke mokwai leke lalesi lokoije.”

Tatike pine Uonore 16:19

Eleki kota elake Babele setele kena telu kai bangsaru esi kotaru atia pusulu. Alla Inete loko kota elake Babele esi dosaru rame. Hoko Iono tamata kota meru esi kinu bei oba rebe epenu kena Alla Eni hukumane. Alla Ihukume kota elake Babele ele mere.

Tatike pine Uonore 17:1

Eleki ile sae bei malekata itu rebe esi lalake oba meru iluake loko au kai ibeteke be, “Mai au tiluke ete ale loko hukume ete kota elake Babele rebe tolae me kwelea bokala esi leinu. Kota elake mere esi atate saka bina lalane rebe ineu titinai.

Tatike pine Uonore 17:18

Kai bina lalane rebe aseluije, mere kota elake rebe epletae pusue kamala mei nusare.”

Tatike pine Uonore 17:5

Kena oalaleije leki nane sae me rebe esi nana bunike esi natire sa. Nane mere, “Babele kota elake! Kota rebe atetuke pusue tamata mei nusa leke esi sablia kai ono tiae rebe Tuhane Isuka kwale moneka.”

Tatike pine Uonore 18:10

Esi kele bei lauke esi limese kota mere koture, le rilasi le supu hukumane mere lekwe. Kamala meru esi beteke be, “Malere, malere titinai! Kota elake rebe tamata bokala esi rekwae, rebe ktiline, yo sasare atia peneka.”

Tatike pine Uonore 18:18

Pususi kloloe le aure koti pusue kota mere. Esi klolo be, “Ayo! Mei nusa meije kota sae makete esakesa kai kota Babele meije mo.”

Tatike pine Uonore 18:2

Eleki ikloloe kena na elake be, “Babele kota elake atia peneka! Pamuli meije ro tiaru esi otoi maka rue peneka. Kena esi laleije manua rebe ndopona kai rebe tamata esi suka more urue kenae.

Tatike pine Uonore 18:21

Eleki malekate sae me iktili titinaije neka ibitike batu sae me esi elaka saka batu maka giline gandume rebe ela titinaije. Eleki ipoiele kena meite kai ibeteke be, “Sakesa kai kota Babele rebe elake mere neka, poie lope tiktili leke atiae.

Tatike pine Uonore 18:24

Tamata Babele esi supu hukume elake titinai le esi bunu nabiaru kai Alla Eni tamata maketaru. Mere esi bunu pusue tamata rebe esi sala sae mo me Alla oaIje.”