Roma 8:36 - Janji beluke

³⁶ Hoko saka Alla Eni lepate rebe lekire ebeteke be: “Tuhane, bei Ale pine pela peture ami rue kena supu matale. Esi ono ami saka domba rebe ono kena ribi esi mokane nere.”

Roma 8:36 ပူးပေါင်းရင်းမြစ်များ

Yohanese 16:2

Le namake imi supu sui bei luma ibadare. Kai roma esi peture tamata rebe esi bunu imire esi noake be mere Alla Iulakesi.

Maka Ulakaru 20:24

Po au suka keu lopai Yerusaleme. Le au noake be suke au rue pibe mo mere pentine mo. Rebe pentine ete aure, au pelae pusu yelu rebe Alla Ipletae ete aure, lupe maka bala suke ibala roma esi hnura. Mere au kerike ete Tuhane Yesuse suke au lepae Sou Misete kena Alla Iono misete ete itere.

Maka Ulakaru 8:32

Alla Eni lepata rebe ibaisele be: “Esi keriNi kena bunuIje lupe dombare kerie me otoi kena bunure. Ilepa sasaisa mo lupe domba anaije esi nai mo kena ktoli esi buluije neka.

1 Korintuse 15:30

Ami rekware tamata matale kwana suike hoko pela olase ami siape kena mata.

1 Korintuse 15:31

Kwali betaya, pela petu au supu susate mahake au mata po au tahane le Sou Misete. Au beteke mere tinai! Le sakesa kai auku lepate rebe piasare au betekele tinai, au beteke be: Lalekue ndina le imi le imi hlaleke loko iteki Tuhane, Kristuse Yesuse pende.

1 Korintuse 4:9

le amia meiju tamata rebe pakuna mo. Ete aure, amia rebe Kristuse Eni maka ulaka meiju ami ono saka tamata maka kusu bui rebe namake supu hukumane matale, rebe pusue tamata kai malekataru esi limese ami supu hukumane.

2 Korintuse 1:9

Ami noake be lupe hukume ami leke ami mata. Po ele mere leke ami hlaleke amiki ktiline ruama yake, po hlaleke loko Alla rebe Ikbasa kena ono tamata matale ikwana suike.

2 Korintuse 11:23

Sie meru esi beteke ete imi be siere Kristuse Eni tamata makerika o? Aure tamata makerike rebe au mise lesi bei pususi! Au kerike ktili lesi, tamata esi kusue au kena bui rebai bokala, au supu susate rebai bokala kai mahake au matare rebai bokala. Au lepa ele meije saka aure tamata makele.

2 Korintuse 6:9

Tamata leini esi beteke be esi rekwa ami mo, po esi tinaije esi rekwa ami peneka. Esi noake be ami mata peneka, po meije ami rue sa. Masike ami supu teta boka, po ami mata mo.

Pilipi 3:10

Rebe au suka titinaije au rekwa Kristuse, kai au suka kbasa rebe eono Ikwana suike ekbasae lalekue. Au suka supu susate saka Isupure kai au suka mata saka Imatare.