Roma 2:2 - Janji beluke

² Ite rekwa be kena Alla Ihukume sie rebe esi atate mise more, Iteu saisare enkena.

Roma 2:2 ပူးပေါင်းရင်းမြစ်များ

Maka Ulakaru 17:31

Le Alla Iteu petu sae me peneka kena teu pakala ete pusue tamata mei nusa meije kena nkenale. Alla Ibitike Ile sae kena ono mere peneka. Ile mere Yesuse rebe Alla Iono Ikwana suike bei matale kai ite rekwa be namake Iteu pakala ete ite tamata lulu iteki nsalalaru.”

Roma 2:1

Ele mere hoko kwali betaya, imi leuke sala ete tamata makete yake le imi sasaisa kena lepa be imi nkenare sae mo le imi atate lekwe lupe esi onore neka. Sepo imi leuke sala ete tamata makete hoko mere sakesa kai imi teu hukumane ete imi ruami.

Roma 2:3

Hoko sepo imi tutuke sae loko eni atate tiare eleyo imi ruami ono neune mere lekwe, imi noake be Alla Ihukume imi mo yake.

Roma 2:5

Po ulu buaimu ela kena hleke imi atate tiae mere. Ele mere hoko imi ruami tapa imi hukumane ektili kena petu rebe nusare kohore, rebe namake Alla Iaseluke Eni nasute kena Iteu hukumane nkenale.

Roma 9:14

Ele mere hoko tamata leini esi ombe, “Sepo Alla Ibitike sae yo saere mo, hoko Alla Iteu sasaisare enkena mo.” Beteke ele mere yake. Le saisa rebe Alla Iteure enkena.

Tatike pine Uonore 16:5

Kai au lene malekate rebe ikbasae kwele mere ibeteke be, “Ale rebe Aono hukume meije Ankena, Ale rebe bei akmena sa Ame peneka, Amise titinai le Amu dosa sae mo.

Tatike pine Uonore 19:2

Isike Alla le Eni hukume nkena kai tinai. Iteu hukumane ete kota elake, rebe sakesa kai bina lalane rebe piasare isablia kai mokwaiaru. Tamata me kota mere esi uma pusue tamata mei nusa leke esi ono dosa kai tatu loko tuhane tinai more esi lakaije. Tuhane ihukume Babele le tamata rebe me Babele esi bunu Alla Eni tamata makerikaru.”