Roma 10:20 - Janji beluke

²⁰ Eleki nabi Yesaya inehe lesi leneka kena ibeteke Alla Eni lepate kenaise be: “Tamata rebe esi nikwa Au more esi tetue Au peneka, kai Au aselukeKu ete sie rebe esi tneu loko Au more.”

Roma 10:20 ပူးပေါင်းရင်းမြစ်များ

Matiuse 20:16

Kena Yesuse Ialenake umpama mere pela nere, Ibeteke be, “Tamata rebe esi kerike menai bei kmaure esi supu seli akmena bei maketaru, kai esi supu selire esi elake sakesa kai sie akmenaru neka. Mere lupe tamata rebe kena meije esi ono tamata elake, namake esi ono tamata elake moneka. Eleyo tamata rebe kena meije esi ono tamata elake more, namake esi ono tamata elake.”

Lukase 14:23

Eleki ntuane mere ibeteke be, ‘Akeu papelake lalana me kota mulini, atetue tamata sae neka, kerisi lomei leke esi penue luma meije.’

Roma 10:3

Esi rekwa lalane rebe Alla Iakneka eteise mo. Esi suka kena lulu Kristuse mo leke esi nkena me Alla oaIje. Batuke esi lulu esi sukare kena lulu hukume rebe Musa ilekire leke esi nkena.

Roma 9:30

Hoko kwali betaya, mere esi natire elere: Tamata Yahudi more esi atula kena esi nkena me Alla oaI mo, po bei esi hlaleke loko Yesuse Kristuse hoko Alla Iono esi nkena me oaI.

Roma 9:31

Po ete tamata Yahudiaru, esi atula titinai kena lulu hukume leke esi nkena me Alla oaI, po saisa mo.

1 Yohanese 4:19

Ite oki lomai le Alla Ioki ite akmena peneka.