Pilemone 1:11 - Janji beluke

¹¹ Kena akmenare ikerike tapa ale mise mo le inaya bei ale po pamuli meije namake ikerike tapa ite lua boka.

Pilemone 1:11 ပူးပေါင်းရင်းမြစ်များ

Matiuse 25:30

Hoko tamata makerike rebe ipakuna more isupu poie me muli me otoi rebe kpetu kurule kai susate titinai. Irani kai isupu susate elake ete mere.”

Lukase 15:24

Le auku anae meije, au betinake imata peneka, eleyo eri kwana sa; sirikeni peneka, po meije ami supu suikeni peneka. Eleki esi ono pesta ne.

Lukase 15:32

Suke ite lalema ndina kai ono pesta le ite betinake kwalimu imata peneka, yo eri kwana sa; sirikeni peneka, po meije ileu suike tetue ite peneka.’ ”

Lukase 17:10

Ete imi lekwe ele mere neka. Sepo imi layani saisa rebe Au ulake imi layanire hoko tatike pine imi beteke be, “Amire batuke Amu tamata makerike, ami suka saisa rebe Aulake ami onore.”

Roma 3:12

Pusue tamata esi hali muli bei Alla peneka; pususi rekwa lalane misete moneka. Tinai, sae kuesa iono nkenale moneka!

2 Timotiuse 4:11

Batuke Lukase ruai pine irue kai au. Alomei sakesa kai Markuse le imise kena kerike tapa au kena layani Alla.

Pilemone 1:12

Masike au okini titinaije po meije au ulakeni leu suike lokomu.

1 Petruse 2:10

Akmenare Alla Eni tamata kena imi mosa po meije Alla Eni tamata kena imi peneka. Akmenare imi rekwa Alla Ioki imire mo po meije imi rekwa Alla Ioki imire peneka.