Matiuse 9:24 - Janji beluke

²⁴ Eleki Yesuse Ibeteke lokosi be, “Imi keu le kwetele meije imata mo. Intulu.” Po esi malie Yesuse.

Matiuse 9:24 ပူးပေါင်းရင်းမြစ်များ

Markuse 5:40

Po tamata ete meru esi malie Yesuse. Eleki Yesuse Isirie tamata meru bei sokati mere eleki Ibeteke loko amai kai inai kai Eni maka lulua teluaru, esi kusu me sokati mere.

Lukase 8:53

Eleki esi malie Yesuse le esi rekwa be kwetele mere imata peneka.

Yohanese 11:4

Kena Yesuse ilene sou mere eleki Ibeteke be, “Makerake mere eono imata mo. Po mere eono leke Alla Isupu isike, kai eono leke Au, Alla Eni Nanae meije supu isike lekwe.”

Maka Ulakaru 20:10

Pauluse irulu lope eleki intulu kena tamata mere kai inopai eleki ibeteke be, “Kaplalemi yake le ikwana suike sa.”

Maka Ulakaru 9:40

Po Petruse iulake pususi siri eleki itatu kai ikotie loko Alla. Eleki ihali ilimese lokoi. Kai ibeteke be, “Tabita, betu!” Eleki Dorkase iksinae mataije kai kena iselu Petruse, ibetu eleki irue.