Matiuse 8:17 - Janji beluke

¹⁷ Yelu meru uono ele mere leke lulu lepate rebe akmena nabi Yesaya ilekire be, “Ile mere Alla rebe Iono iteki susate mise kai Iono iteki makerake mise.”

Matiuse 8:17 ပူးပေါင်းရင်းမြစ်များ

Matiuse 1:22

Ele mere leke sakesa kai lepata bei Alla rebe akmena nabi Yesaya ibetekele be,

Matiuse 2:15

Eleki esi rue mpai Mesire eti Herodese imata. Ele mere hoko Tuhane Eni lepate rebe akmena nabi Hosea ilekire be: “Au koti Auku Anare Ileu bei me nusa Mesire,” eonore mere peneka.

Matiuse 2:23

Kena esi luake ndete otoi Galilea, esi rue kena hena sae me esi nane Nasarete. Ele mere hoko Tuhane Eni lepate rebe akmena nabiaru esi lekire be, “Esi kotie Kwetele mere: Tamata Nasarete,” eonore mere peneka.

Markuse 1:32

Eleki kena kmau, lemataije suni peneka, tamata ete meru esi liku tamata makeraka kai tamata rebe ro tiare kbasaise.

Lukase 4:40

Kena lemataije suni peneka, tamata bokala esi liku esi tamata makerakaru loko Yesuse. Esi makerake sasaisa neka. Eleki Yesuse Itola balaI papelakesi eleki pususi mise.

2 Korintuse 12:10

Bei mere hoko bei Kristuse pine saisa rebe au supure, lalekue ndina lele, masike au ktili mo, pise tamata esi sobue au, pise au supu susate, supu teta, esi hohae au, le sepo au ktili mo, namake Tuhane Eni kbasare eme kai au.

1 Petruse 2:24

Kristuse ruaI supu hukume le iteki dosaru kena Imata kena ai tutine, leke ite supu tie bei dosare esi kbasare kai ite hidupe lulu Alla Eni sukare. Kristuse Eni lakwaije kai Eni lalakwe pine eono ite mise bei makerake.