Matiuse 6:9 - Janji beluke

⁹ Hoko suke imi kotie ele meije, ‘Amiki Amate ndete surga, Amu nane mise titinai le dosa sae mo. Ami kotie pusue tamata esi holmate Ale,

Matiuse 6:9 ပူးပေါင်းရင်းမြစ်များ

Matiuse 10:29

Manu klingklane inai luare esi beline batuke kepene matai tone esa, po inai esa etetu lope tapele mo sepo imi Ama Isuka etetu mo.

Matiuse 23:9

Kai imi kotie sae mei nusa meije amate yake le imi Amate batuke esa, Ile mere Amate rebe Indete surga.

Matiuse 26:29

Lene mimise! Au kinu anggure kwelini moneka, eti roma petu rebe ite kinu anggure kwelini rebe beluke sakesa me AmaKu Eni nusa beluke.”

Matiuse 26:42

Eleki Yesuse Ikeu suike kena rebai lua kai Ikotie loko Alla be, “AmaKu, sepo susate meije suke Au supu neka, kai Ahetie bei Au moneka, hoko sebeie lulu AmaKu Amu sukare neka.”

Matiuse 5:16

Sakesa neka, imi ono misete ete tamata bokala leke esi selu imi ono misete mere, esi isike Alla ndete surga rebe imi kotiNe Amare.”

Matiuse 5:48

Imi Ama ndete surgare Ioki pusue tamata titinai. Hoko imi lekwe suke oki pusue tamata titinaije neka.’ ”

Matiuse 6:14

Sepo imi ampune tamata rebe iono sala ete imire, hoko imi Ama ndete surgare lekwe Iampune imi salare.

Matiuse 6:6

Sepo imi kotie loko Alla hoko imi kusu me sokati eleki kobue meture kai kotie loko imi Ama rebe sae iseluI more. Hoko imi Ama Iselu imi kotie lokoI akbunike, Iriluke hadia ete imi.

Matiuse 7:11

Masike imi neu po imi rekwa riluke misete ete imi nanaru. Hoko Amami ndete surgare lekwe Iriluke lesi ete tamata rebe kotie beiNe leneka.

Lukase 15:18

Au leu loko amaku noma. Namake au kotie sala ete amaku. Le au ono dosa ete Alla kai amaku peneka.

Lukase 15:21

Eleki kwete mulire ibeteke loko amai be, ‘Amaku, auku sala elake ete Alla kai ete amaku ale peneka. Amaku akotie aure amu anae yanoma.’

Lukase 2:14

“Ami isike Tuhane Elake ndete surga! Tamata rebe iono Tuhane laleIje ndinare, isupu rue mise kai Tuhane.”

Yohanese 20:17

Po Yesuse Iombe, “Matabinane, kerike Au yake le Au keu loko AmaKu mosa! Akeu loko kwaliKusi beteke etesi be Au keu loko AmaKue reneka. Kai Ile imi Ama lekwe, Auku Alla kai imi Alla lekwe.”

Roma 1:7

Ele mere eti au leki sulate meije ete imire. Iteki Alla Amate kai Tuhane Yesuse Kristuse Iriluke misete ete imi kai Iono imi rue mise noma.

Roma 8:15

Akmena kena hukume rebe Musa ilekire ekbasae ite sare, ite hidupe saka tamata makerike rebe eni kbasa sae mo kai ite rilama le Alla Ihukume tamatare. Po pamuli meije ite rilama moneka le Alla Eni Rore Ikbasae ite. Alla Eni Rore Iono ite kena Alla Eni nanae. Kai bei Alla Eni Rore Eni kbasare, eti ite kotie Allare iteki Amate.

Galatia 1:1

Kwali betaya imi jemate toini me otoi Galatia. Au Pauluse, au leki sulate meije ete imi. Au kai pusue tamata rebe esi hlaleke loko Tuhane ete meije, ami kotie leke Tuhane, iteki Alla Amate kai Tuhane Yesuse Kristuse Iriluke misete ete imi kai Iono imi rue mise. Au ono Tuhane Eni maka ulake, bei tamata ibitike au mo, po Yesuse Kristuse kai iteki Alla Amate rebe Iono Ikwana suike bei matale pine Ibitike au.

Galatia 4:6

Imire Alla Eni nanae peneka hoko Iulake Eni nanare Eni Rore leke Ikbase ite lalemaru. Eni Nanare Eni Rore Iono ite kotie loko Alla be, “AmaKu.”

1 Timotiuse 6:16

Batuke ruaI pine imata mo. Irue kena hitate rebe tamata sae itehaikele mo. Kai tamata sae iseluI mosa. Au hlaleke be pususi holmateI eti pela. Au hlaleke Eni kbasare ela eti pela. Amine.

1 Petruse 1:17

Kena imi kotie loko Allare imi kotie Allare, Ama. Kai imi Ama mere Iteu pakala ete tamatare Iselu oalale mo po Iteu pakala ete saere lulu saisa rebe ionore. Hoko kena imi rue mei nusa meije suke imi rilami leI. Imi rue mei nusa meije takwali mo.

Tatike pine Uonore 4:11

“Tuhane Ale amiki Alla, Asupu kbasa kena supu isike kai holmate. Tuhane Amu kbasa, le Atolae pusue yelu, kai lulu Amu sukare pine pusue yelu utola eleki ume.”

Tatike pine Uonore 5:12

Pususi menani kena na elake be, “Domba Anai rebe Imata pende Ilayake kena Isupu kbasa, ite alenake be Eni tanei boka, ite alenake be Irekwa mise titinai, ite alenake be Iktili, ite holmateI, ite ono Eni nane ela, kai ite isikeNi!”