Matiuse 4:25 - Janji beluke

²⁵ Ele mere hoko tamata bokala esi lulu Yesuse. Leini esi luake bei otoi Galilea, leini esi bei otoi Dekapolise (Kota Butu esa), bei kota Yerusaleme, bei otoi Yudea kai leini esi bei hena rebe ume kwele Yordane tebaije.

Matiuse 4:25 ပူးပေါင်းရင်းမြစ်များ

Matiuse 19:2

Ete mere tamata bokala esi keu luluI hoko tamata rebe kerakeise Yesuse Iono esi mise.

Matiuse 4:15

“Imi tamata rebe rue me tamata Sebulone kai tamata Naftali esi tapele, lalane lorau tlaka, otoi tehaike tlaka Galilea kai rebe me kwele Yordane tebai, tapele rebe imi tamata Yahudi more imi ruekele.

Matiuse 5:1

Kena Yesuse Iselu tamata bokala meru esi luake, Ilea lolete ulate bubui sae me. Eleki Irue, Eni maka luluaru esi luake lokoI kai esi rue keholiNi.

Matiuse 8:1

Kena Yesuse Irulu bei ndete ulate, tamata bokala esi keu luluI.

Markuse 5:20

Eleki tamata mere ikeu kai alenake Yesuse Ionoi misere ete tamata me kotaya butu esa me otoi Dekapolise. Tamata rebe esi lene mere pususi herane.

Markuse 6:2

Kena mere Yahudiaru esi petu plei. Eleki Yesuse Ikusu Yahudiaru esi luma ibadare kai Iatetuke tamata ete mere. Kena tamata meru esi lene Yesuse Iatetuke hoko esi herane titinai kai lalesi ndina titinai. Eleki esi beteke loko lomai be, “Kwete beluke meije Isupu atetuka meiju bei etia?

Markuse 7:31

Eleki Yesuse Ikeu bei otoi Tiruse Ikeue Sidone, Isiba lopai tlaka Galilea me otoi Dekapolise.

Lukase 6:17

Eleki Yesuse irulu sakesa kai Eni maka luluaru bei ulate bubuije lope eleki esi kele kena otoi latale sae me. Ete mere Eni maka lulua bokala maketa kai tamata bokala maketa bei otoi Yudea, kota Yerusaleme kai bei hena meite leina me kota Tiruse kai kota Sidone keholire,

Lukase 6:19

Kai pusu tamata esi atula kena kerike Yesuse le Eni kbasare eono esi mise bei makerake.