Matiuse 3:1 - Janji beluke

^1-3 Kena akmenare nabi Yesaya ileki me eni bukure elere: Tamata sae me ibeteke loko tamata bokala ndete otoi nsekile be, “Imi aknekae lalemi ete Alla, imi aknekae lalemi leke hlaleke loko Alla.” Eleki takwali lakwai esa ile sae eni nane Yohanese maka baptise ime peneka. Ile mere pine nabi Yesaya ilekire. Hoko ikeu lolete otoi nsekile ndete Yudea kai ibeteke be, “Imi aknekae lalemi ete Alla, imi aknekae lalemi leke hlaleke loko Alla. Hoko imi naku kai hleke bei ono dosa noma le takwali mo Alla Ipletae ite tamatare reneka!”

Matiuse 3:1 ပူးပေါင်းရင်းမြစ်များ

Matiuse 11:11

Eleki Yesuse Ibeteke be, “Yohanese iaknekae lalane meru kai Au beteke ete imi be, ‘Bei pusue tamata mei nusa meije sae iela lesi bei Yohanese maka baptise mo, po kena Alla Ipletae ite tamata masike tamata tone po iela lesi Yohanese.’

Matiuse 11:7

Kena Yohanese eni maka luluaru esi keu peneka, Yesuse Ilepae Yohanese ete tamata bokala meru be, “Imi keu loko Yohanese ndete otoi nsekile kena saisa? Kena imi selu balate elisuke melate lori lopaije o?

Matiuse 16:14

Esi ralakeNi be, “Leini esi beteke be Yohanese maka baptise, leini lekwe esi beteke be Elia, kai leini me lekwe esi beteke be Yeremia pise ile sae bei nabiaru.”

Matiuse 21:32

Le Yohanese maka baptise iluake kena iatetuke imi, leke imi ono lulu Tuhane Isukare, po imi hlaleke loko iatetuke mo. Po tamata maka kotie pajake kai bina lalanaru esi hlaleke kai esi lulu Yohanese iatetuke. Kai imi selu esi hlalekele peneka po lalemi lulu saisa rebe Yohanese iatetuke ete imire mo.”

Matiuse 3:8

Aseluke kena imi atate pela petu be imi naku kai hleke bei ono dosa peneka.

Markuse 1:15

Ibeteke be, “Alla Iulake Au leke tamata esi rekwa Aure, Yesuse Maka Hlamate. Takwali moneka Alla Ikbasae imi saka imi Kamale hoko imi hleke bei ono dosa leke hlaleke loko Sou Misete bei Alla.”

Markuse 1:2

Kena akmenare Nabi Yesaya ileki me eni bukure elere: “Alla Ibeteke loko Eni Nanare be, ‘Au ulake tamata sae kena Akeu mosare leke iaknekae lalane eteMu. Eleki tamata mere ibeteke loko tamata bokala me otoi nsekile be, ‘Imi aknekae lalemi leke hlaleke loko Alla.’ ”

Lukase 1:76

Po auku anae Yohanese ale, tamata esi kotie ale nabi bei Alla elake titinai, le akeu akmena bei Tuhane kena aknekae lalane eteI,

Lukase 7:24

Eleki kena Yohanese eni maka lulua lua meru esi leu peneka, Yesuse Ialenake Yohanese ete tamata bokala meru be, “Kena akmena imi keu lolete otoi nsekile kena imi selu Yohanese, imi selu saisa? Imi keu nikwa tamata rebe laleije ndene mo saka tapuana rebe balate elisuke lori lopaije o?

Maka Ulakaru 1:22

menai bei Yohanese isuku Tuhane Yesuse eti roma Ibiti lolete lanite leke isakesa kai ami kena alenake be iselu Yesuse ikwana suike bei matale.”