Matiuse 13:14 - Janji beluke

¹⁴ Ele mere Alla Eni lepata rebe akmenare nabi Yesaya ilekire eono tinai. Alla Ilepa elere: ‘Tamata esi lene rame po esi nati mo, esi selu rame po esi rekwa saisa rebe esi selure mo.

Matiuse 13:14 ပူးပေါင်းရင်းမြစ်များ

Markuse 4:12

Leke imi nete suike be lepata rebe enkena bei Alla akmenare elere: masike esi selu po esi rena mo, masike esi lene po esi nati mo. Eono ele meije leke esi hleke bei ono dosare yake kai Tuhane Iampunesi yake.”

Lukase 8:10

Eleki Yesuse Ibeteke lokosi be, “Alla Ipletae tamatare, akmenare ibetekele ete imi mo, po meije sasaisa neka rebe tamata esi rekwa mosare Au betekele ete imi. Po tamata rebe esi suka kena hlaleke loko Au more, Au alena kena umpama etesi leke: esi lene batuke umpama po esi rekwa esi natire mo. Mere lulu lekie kena Tuhane Eni lepate rebe lekire pende: Masike esi selu saisa rebe Au onoule po esi natire esi rekwa mo.”

Roma 10:16

Po pusue tamata esi supu Sou Misete mere mo lulu Yesaya ibeteke be: “Tuhane, mahake sae kuesa ipersaye amiki lepataru moneka.”

2 Korintuse 3:14

Esi lene Musa naije po laleisu rekwa sasaisa mo. Kai eti roma petu meije esi baise hukume mere lekwe po laleisu rekwa sasaisa more neka le saka tie obite rebe obi Musa oalaleije mosa hoko esi nati mosa. Ele mere le batuke ite esa kai Kristuse pine ite nati Alla Eni janji ete itere. Ele mere saka tie obite bei oalalere leke selu mise.