Matiuse 11:19 - Janji beluke

¹⁹ Eleki Au Tamata Eni Nanare Au luake atetuke imi, Au kane kai Au kinu lupe tamata esi kane kai kinure neka po imi suka Au mo, kai imi beteke be, ‘Ile mere tamata ndasine, nselite, kai Iono ebe kai tamata maka kotie pajakaru kai tamata dosaru.’ Po Alla Eni misete rebe Au kai Yohanese luama atetukele ete imire, selu esi hasile kena tamata rebe esi ono lulure esi atate.”

Matiuse 11:19 ပူးပေါင်းရင်းမြစ်များ

Matiuse 5:46

Le sepo imi oki batuke tamata rebe esi oki imire neka, hoko Alla Iono misete ete imi mo. Tamata maka kotie pajake iono ele mere neka.

Lukase 14:1

Kena tamata Yahudiaru esi petu plei rebai sae me Yesuse Iluake loko tamata Parisiaru esi elake sae me, kena Ikane ete mere. Kena Yesuse Ikusu lumare pusue tamata rebe esi luake esi limese luiNi rame.

Lukase 19:7

Po tamata bokala rebe esi selu ele mere esi muruke be, “E, selu. Yesuse Irue kai tamata rebe eni dosa elake le mula?”

Lukase 7:29

Tamata bokala kai masike tamata maka kotie pajake lekwe, esi lene Yohanese eni lepata meru, pususi naku be Alla Inkena le esi supu baptise bei Yohanese peneka.

Yohanese 2:2

Yesuse kai Eni maka luluaru esi supu koti kena totoliba mere lekwe.

Roma 15:2

Po esi misete ite ono iteki kwali betaya lalesi ndina kena esi misete leke esi maka hlaleke etapa ktili.

Tatike pine Uonore 7:12

Kai pususi beteke be, “Amine! Ite isike iteki Tuhane mere Alla, ite ono Eni nane ela, ite alenake Irekwa titinai, ite beteke trima kasi eteI, ite holmateI, Ite neheke suike Eni ktiline, kai Eni kbasare, eti pela! Amine!”