Markuse 7:7 - Janji beluke

⁷ Esi kotie loko Aure esi guna sasaisa mo; esi atetuke tamata eni aturane esi ono saka mere Auku Aturane.’

Markuse 7:7 ပူးပေါင်းရင်းမြစ်များ

Matiuse 15:9

Esi lupuke lomai kena isike kai lene loko Aure bei lalesi titinai mo; le esi atetuke lulu tamata eni atate neka.’ ”

Matiuse 6:7

Kena imi kotie loko Allare, saisa rebe imi betekele, lepaele susuike yake eti takwali yake. Imi kotie saka tamata rebe esi noake Tuhane more yake. Esi rekware be esi supu saisa rebe esi kotie lele le esi kotie takwalire pe.

1 Korintuse 15:14

Kai sepo Alla Iono Kristuse Ikwana suike mo hoko sou rebe ami betekele kai imi hlaleke loko Kristuse esi guna sae mo.

1 Korintuse 15:58

Bei mere hoko au kotie bei kwali betaya imi rebe au oki imire be imi hlaleke ktili rame leke sesi esi keri imi loko lalane tiare yake. Imi kerike loko Tuhane Eni makerike kena lale misete kai muta yake. Le tatike pine imi supu untune elake.

Kolose 2:22

Pusue meru batuke peraturane kena yelu rebe pakele eleki esi guna sasaisa moneka. Mere batuke peraturane kai hnauna rebe tamata ionoe.

Tituse 3:9

Po ete ale, alau bei tamata rebe rare kai lomai loko sasaisa rebe esi untune sae more kai alenake loko luma mataiju bei anubu kena anubu yake. Nasuke lomai kai rare kai lomai le tamata Yahudi esi pletaru yake le pusue meru tapa tamata mo kai esi misete sasaisa mo.

Yakobuse 1:26

Sire pine iaseluke be iono lulu eni agamare titinai, po iraka eni lepate mo hoko ilemake ruai kai iaseluke mere esi guna sasaisa mo.

Yakobuse 2:20

Hei, tamata boroka! Hlaleke ktili loko Alla po ono lulu Eni pletaru more esi guna sasaisa mo, petu ila pine imi nati sare? Hlaleke ktili loko Alla po kerike lulu Eni pletaru mo, hoko mere esi guna sasaisa mo.

Tatike pine Uonore 22:18

Sire rebe ilene loko lepata kena buku meije, au Yohanese, au ahnau be, “Imi tapa sasaisa kena lepata meiju yake, mo hoko Alla Itapa imi hukumane kena susata elaka rebe lekilu kena buku meije ete imire.