Markuse 14:26 - Janji beluke

²⁶ Eleki esi menani isike Alla, pine esi keu lolete ulate rebe Saitune aini bokalaru.

Markuse 14:26 ပူးပေါင်းရင်းမြစ်များ

Matiuse 21:1

Yesuse kai Eni maka luluaru esi lau bei kota Yerusaleme moneka, esi tehaike hena Betpage me ulate Saitune aini bokala. Yesuse Iulake Eni maka lulua lua esi keu eike me hena Betpage.

Matiuse 26:30

Eleki esi menani isike Alla pela, pine esi keu lolete ulate Saitune.

Markuse 14:25

Eleki Yesuse Ibeteke be, “Imi lene meije mimise! Au kinu anggure kwelini moneka eti roma petu rebe Au kinu anggure kwelini rebe beluke sakesa imi me AmaKu Eni nusa beluke.”

Lukase 22:39

Eleki Yesuse Isiri bei kotare hoko lupe piasare Ikeu lopai ulate Saitune aini bokalaru. Hoko Eni maka luluaru esi keu sakesa kaiNi.

Yohanese 18:1

Kena Yesuse Ikotie loko Alla pela eleki Yesuse kai Eni maka luluaru esi keu lopai kwele nsekile rebe kotiele Kidrone, esi tebai. Ete mere ndinu sae, saitune ukusu boka titinai hoko Yesuse kai Eni maka luluaru esi kusu ndinu lalei mere kai esi rue ete mere.

Maka Ulakaru 16:25

Eleki kasuke kena kpetu tlai Pauluse kai Silase luasi kotie loko Alla kai luasi menani isike Alla. Tamata bui maketaru esi lene luasi menanire lekwe.

1 Korintuse 14:15

Hoko esi misete ite ono elere: Kena rebai makete pise otoi makete ite kotie kena sou rebe ite nati mo po Tuhane ruaI natire. Kai kena rebai makete kai otoi makete lekwe ite kotire, ite noake lokole leke ite nati pusue. Ele mere lekwe, rebai makete ite menani kena sou rebe ite nati mo, po rebai makete ite menanire, ite nati saisa rebe ite menaniele.

Kolose 3:16

Kristuse Eni hnaunaru suke imi nete loko rame, leke imi atetuke lomai kai ahnau lomai mimise kena imi maka rekware. Suke imi menanie lagu Masmuraru, kai lagua kena isike Alla kai lagu rohania rebe Ro Misete Iono imi menaniele. Kena menanire lalemi kotie trima kasi bei Alla.

Yakobuse 5:13

Sepo sae kuesa bei imi isupu susate, hoko suke ikotie loko Alla! Kai sepo sae laleije ndina hoko suke imenani isike Alla!

Tatike pine Uonore 5:9

Kai esi menanie lagu beluke be: “Asupu kbasa kena rana buku rebe luluke mere kai bara esi segelaru. Le Asupu bunu kai ponike Amu lalakwe ete pusue tamata mei nusa bei papelake tamata mei nusa. Asabe pususi kena Arilukesi ete Alla.