Lukase 7:29 - Janji beluke

²⁹ Tamata bokala kai masike tamata maka kotie pajake lekwe, esi lene Yohanese eni lepata meru, pususi naku be Alla Inkena le esi supu baptise bei Yohanese peneka.

Lukase 7:29 ပူးပေါင်းရင်းမြစ်များ

Matiuse 5:46

Le sepo imi oki batuke tamata rebe esi oki imire neka, hoko Alla Iono misete ete imi mo. Tamata maka kotie pajake iono ele mere neka.

Lukase 20:6

Po sepo ite beteke be, ‘Bei tamata’, hoko tatike pine ite supu raba kena batu bei tamata makete. Le pususi hlaleke be Yohanese nabi bei Alla.”

Lukase 3:12

Eleki ete mere tamata maka kotie bea esi luake leke Yohanese ibaptisesi lekwe. Hoko esi tneui be, “Kuru, suke ami ono saisare?”

Lukase 7:28

Imi lene mimise! Bei akmena roma meije mei nusa meije tamata rebe lesi bei Yohanese maka baptise sae mo. Po masike tamata mei nusa meije rebe esi pakuna mo rebe siere Alla Eni tamata kena Ipletae tamatare, sie meru pine esi supu misete bei Tuhane lesi bei Yohanese.

Lukase 7:35

Masike imi trima saisa rebe Au kai Yohanese luama onoule moneka, po Alla Eni maka rekwa rebe ami lulure imi rekwae bei tamata makete rebe esi lulu amiki hnaunaru esi atate.”

Maka Ulakaru 18:25

Ile mere isupu atetuke peneka kena rekwa Yesuse Eni lepataru. Hoko laleije ndina titinai kena lepae Alla Eni lepate rebe kena Yesuse mimise po batuke irekwa Yohanese ibaptise tamatare.

Maka Ulakaru 19:3

Itneu suikesi be, “Hoko kena baptise imire, imi hlaleke loko saisa kai sire iatetuke imire?” Esi ralake be, “Ami hlaleke loko saisa rebe Yohanese iatetuke ete amire.”

Roma 10:3

Esi rekwa lalane rebe Alla Iakneka eteise mo. Esi suka kena lulu Kristuse mo leke esi nkena me Alla oaIje. Batuke esi lulu esi sukare kena lulu hukume rebe Musa ilekire leke esi nkena.

Tatike pine Uonore 15:3

Eleki esi menanie lagu rebe Musa, Alla Eni makerike imenaniele kai lagu rebe Domba Anaije Imenaniele. Lagu mere be, “Tuhane, Alla Maka Kbasa elake titinai. Amu makerikaru pusulu ela kai tebikelu, Kamale ete pusue bangsa, Amu cara kena tapa Amu tamataru nkena kai tinai!

Tatike pine Uonore 16:5

Kai au lene malekate rebe ikbasae kwele mere ibeteke be, “Ale rebe Aono hukume meije Ankena, Ale rebe bei akmena sa Ame peneka, Amise titinai le Amu dosa sae mo.