Lukase 6:21 - Janji beluke

²¹ Kwetela imi! Kena meije imi tiami sene, po lalemi ndina neka le namake Alla Iono imi kane pila. Kai imia rebe kena meije imi ranire, lalemi ndina neka le namake Alla Iono imi mali.

Lukase 6:21 ပူးပေါင်းရင်းမြစ်များ

Matiuse 5:4

Tamata rebe kaplalesi, Alla Iono lalesi ndina le namake pine Alla Iono lalesi ktili.

Matiuse 5:6

Tamata rebe esi suka ono nkenale lulu Alla Eni sukare, Alla Iono laleisu ndina le namake pine Alla Iriluke sasaisa rebe laleisu lokore.

Lukase 1:53

Tuhane Ariluke pusue yelu miseta ete tamata rebe esi sasaisa more, yo tamata rebe esi taneia bokalaru, Aulakesi keu kai esi keri sasaisa moneka.

Lukase 6:20

Eleki Yesuse Ilimese Eni maka luluaru Ibeteke lokosi be, “Kwetela imi! Kena meije imi susa le imi taneia sesi mo, po lalemi ndina neka, le namake kena Alla Ipletae tamatare imire Eni tamata.

Lukase 6:22

Kwetela imi! Lalemi ndina titinai neka kena tamata lalesi tiake imi, esi suka trima imi mo, kai esi suka imi mo kai esi sobue imi le imi lulu Au Tamata Eni Nanae meije.

Lukase 6:25

Tamata rebe kena meije imi pilare, namake imi supu susate tia senete. Tatama rebe kena meije imi malire, namake imi susa kai imi rani.

Yohanese 11:35

Eleki Yesuse Irani.

Yohanese 4:10

Yesuse Iombe, “Kuanae, sepo arekwa Au meije sire, kai sepo arekwa Alla Eni misete rebe Irilukele ete tamatare hoko kuanae ruamu pine akotie kwele bei Au kena akinue. Kai namake pine Au riluke kwele rebe eono hlamate ete ale.”

Yohanese 6:35

Yesuse Iombe, “Au meije roti rebe betekele be eono tamata isupu rue kai Alla eti pelare. Sire pine iluake lokoKu hoko eti pelare tiai sene moneka, kai sire pine ihlaleke lokoKu hoko eti pelare kmalakeni moneka.

1 Korintuse 4:11

Roma petu meije ami tiama sene kai kmalake ami, amiki pakiane batuke mei nanakwalamaru neka. Ami supu teta, amiki luma ruamare sae mo.

2 Korintuse 11:27

Au kerike ktili titinai eti rebai bokala au supu ntulu mo, supu kane kai kinu mo, au tahane ndirine le auku pakiane boka mo.

2 Korintuse 12:10

Bei mere hoko bei Kristuse pine saisa rebe au supure, lalekue ndina lele, masike au ktili mo, pise tamata esi sobue au, pise au supu susate, supu teta, esi hohae au, le sepo au ktili mo, namake Tuhane Eni kbasare eme kai au.

2 Korintuse 6:10

Tamata esi ono ami lalemaru susa po ami lalemaru ndina sa. Esi noake be amiki sasaisa mo po ami ono tamata bokala esi supu miseta boka kena rekwa Tuhane. Esi noake be amiki sasaisa mo, po tinaije sasaisa neka amikie me.

Yakobuse 1:12

Tamata rebe itahane kena supu teheke, namake isupu untune elake. Le sepo itahane kena supu teheke peneka hoko isupu rue kai Alla eti pela. Lulu Alla Italuke be Irilukele ete tamata sae neka rebe ioki Allare. Tamata mere isupu hadia saka tamata maka balare bala roma pusue leke supu hadiare.

Tatike pine Uonore 21:3

Eleki au lene na elake bei otoi maka rue kena pleta mere be, “Kena meije Alla Irue sakesa kai tamata. Hoko siere Alla Eni tamata kai batuke esi tatu lokoI.

Tatike pine Uonore 7:16

Esi tiasi sene kai kmalakesi moneka kai lematai musute kenasi moneka.