Lukase 3:14 - Janji beluke

¹⁴ Kai solaluaru esi tneui lekwe be, “Amire elia, suke ami ono saisare?” Yohanese iombe, “Imi rana tamata makete esi yelu palani yake, tutuke nsalale kai teta tamata makete kena rana eni kepene yake po imi hidupe kena imi gajire neka.”

Lukase 3:14 ပူးပေါင်းရင်းမြစ်များ

Matiuse 8:5

Eleki kena Yesuse Ikusu kota Kapernaume, solalu Romawi utune esi elake sae iluake loko Yesuse kai ikotie beiNi be,

Lukase 19:8

Eleki Sakeuse ikele kai ibeteke loko Tuhane Yesuse be, “Tuhane, au lara luake auku taneiaru eleki au rilukele ete tamata susate kai tamata sire pine au lemakeni le eni kepene, au leuke eteije esi bokalaru rebai ata bei rebe au rana beine.”

Lukase 3:10

Eleki tamata bokala meru esi tneuI be, “Hoko suke ami ono saisare?”

Lukase 3:13

Eleki Yohanese iombe, “Imi kotie lesi bei saisa rebe suke esi selire yake.”

Maka Ulakaru 10:7

Kena malekate rebe ilepa kaini mere ekeu peneka, Korneliuse ikoti eni tamata makerike sie luaya kai solalu sae me rebe ihlaleke titinai loko Alla. Solalu mere Korneliuse iranai bei solalua rebe esi kerike eteije.

Pilipi 2:15

Sepo imi ono misete ele mere, hoko mere imi aseluke be imire Alla Eni nanae rebe nsalale sae mo, rebe imi atate mise kai imi nkena kena imi rue kai tamata rebe esi ono neune rame. Imi tiluke lalane misete bei imi hidupe nkenale saka hitate ndete lanite ehita nusare, le imi lepae Alla Eni lapata rebe uono tamata ihidupe leke esi rekwae. Sepo imi hidupe ele mere, namake kena Yesuse Kristuse Iluake suike, au supu alasane kena leleku ndina le imi. Mere easeluke be auku makerike supu hasile mise titinai.

Pilipi 4:11

Au beteke meije bei auku sasaisa more mo, le au atetuke peneka be taneia boka pise boka mo au blake be mere panuhu peneka.

Tituse 2:3

Sae lekwe, bina rebe esi matabina pende, ahnausi leke suke esi ono dosa sae mo. Esi lepa tiae ete tamata makete mo, esi suka kinu boka yake. Ahnausi leke saisa rebe misete suke esi atetukele.

Tatike pine Uonore 12:10

Kena nagare kai esi malekataru supu poie lope nusare, au lene na elake bei ndete surga be, “Meije petu kena Alla Ihlamate tamata rebe hlaleke lokoIje. Kai meije Alla Itiluke Eni kbasare leke Ikbasae tamata saka kamale. Kai meije lekwe Kamale rebe Alla ItalukeNi kena Ihlamate tamatare ItilukeNi kbasare, le naga rebe pita kpetu itutuke tamata rame rebe esi hlaleke loko Tuhane me Alla oaIje, esupu poie bei ndete surga lope nusare peneka.