Lukase 22:39 - Janji beluke

³⁹ Eleki Yesuse Isiri bei kotare hoko lupe piasare Ikeu lopai ulate Saitune aini bokalaru. Hoko Eni maka luluaru esi keu sakesa kaiNi.

Lukase 22:39 ပူးပေါင်းရင်းမြစ်များ

Matiuse 21:1

Yesuse kai Eni maka luluaru esi lau bei kota Yerusaleme moneka, esi tehaike hena Betpage me ulate Saitune aini bokala. Yesuse Iulake Eni maka lulua lua esi keu eike me hena Betpage.

Matiuse 26:30

Eleki esi menani isike Alla pela, pine esi keu lolete ulate Saitune.

Markuse 11:11

Eleki Yesuse Ikusu kota Yerusaleme kai Ikeu me Tuhane Eni Lumare. Eleki Ikeu keholi kena selu pusulu. Po kmau peneka hoko Yesuse Ileu lorau hena Betania sakesa kai Eni maka lulua sie butu esa lesini luaru.

Markuse 11:19

Eleki Yesuse kai Eni maka luluaru esi leu bei kotare le kmau peneka.

Markuse 13:3

Takwali mo Yesuse kai Eni maka luluaru esi keu bei Tuhane Eni Luma mere lopai ulate saitune aini bokalaru, eleki Yesuse Irue ruaI me ulate mere. Petruse, Yakobuse, Yohanese kai Andrease esi luake lokoI kai esi beteke be,

Markuse 14:26

Eleki esi menani isike Alla, pine esi keu lolete ulate rebe Saitune aini bokalaru.

Lukase 21:37

Pela petu, kena pitare Yesuse Iatetuke me Tuhane Eni Luma po kena kpeture Ikeu lolete ulate saitune kena Intulu ete ndetere.