Lukase 1:74 - Janji beluke

⁷⁴ kai Italuke be Iono ite hlamate bei iteki musuaru, leke kena ite ono lulu Eni lepataru ite rilama kena supu susate mo,

Lukase 1:74 ပူးပေါင်းရင်းမြစ်များ

Lukase 1:71

kena Ihlamate ite bei iteki musuaru, kai bei tamata rebe lalesi tiake ite esi kbasaru.

Lukase 1:73

Italuke mere be Ila ete Abrahame be Iraka ite,

Lukase 1:75

leke ite ono Eni tamata nkenale rame kai ite mise titinai le dosa sae mo kena iteki hidupe roma ite mata.

Roma 6:22

Po pamuli meije dosare kbasae imi moneka kai imi ono Alla Eni tamata makerike peneka. Mere untune elake titinai ete imi hidupe kai eono imi rue kai Alla eti pela.

Roma 8:15

Akmena kena hukume rebe Musa ilekire ekbasae ite sare, ite hidupe saka tamata makerike rebe eni kbasa sae mo kai ite rilama le Alla Ihukume tamatare. Po pamuli meije ite rilama moneka le Alla Eni Rore Ikbasae ite. Alla Eni Rore Iono ite kena Alla Eni nanae. Kai bei Alla Eni Rore Eni kbasare, eti ite kotie Allare iteki Amate.

2 Timotiuse 1:7

Aono loko amu makerike mere le Alla Iono Ro Misete kbasae ite peneka Iono ite rilama mo. Po Ro Misete mere Iono ite lalemaru ktili kena Eni makerike. Iono ite oki Alla kai tamata makete lekwe kai Iono ite tahane lale.

Ibrani 2:15

Iono ele mere leke Itie ite bei rila le matale rebe ekbasae iteki hidupe rame.

Ibrani 9:14

Sepo domba kai sapere esi lalakwe esi pakele kena eono iteki nanakwalamaru puti hoko Kristuse Eni lalakwe lesi leneka! Eni lalakwe ektili lesi kena ekoa ite lalemaru bei dosa rebe ekeri ite kena matale, leke namake ite layani Alla rebe Ihidupe eti pelare. Kristuse ruaI riluke nanakwalaI rebe dosa sae more ete Alla le Ro Misete rebe eti pela Imere Iriluke ktiline ete Yesuse.

Tatike pine Uonore 2:10

Rilami le susate rebe lau mo imi supue bei ro tiaru esi elake yake! Ro tiare esi elake eono sie ila bei imi esi kusu bui kena teheke be imi hlaleke ktili pibe mo. Kai imi supu susate petua butu esa. Suke imi tahane rame kena lulu Au eti esi bunu imi hoko Au riluke hidupe misete ete imi eti pela. Mere hadia le imi lesi.