Lukase 1:49 - Janji beluke

⁴⁹ Le Ale Alla Maka Kbasa, Amu nane misete titinai le Amu dosa sae mo, Aono yelu misete elaka kenaku peneka.

Lukase 1:49 ပူးပေါင်းရင်းမြစ်များ

Markuse 5:13

Eleki Yesuse Isuka esi keu, eleki ro tiaru usiri bei tamata mere kai ukeu lolete ulate bubuije eleki ukusu kena apala bokala meru. Apala meru, kasuke inai usata lua lesi, unaiya ruluke salene lope, ukusu tlakare eleki pusulu molo.

Lukase 1:48

Le masike au meije tamata makerike po Anete loko au, kai bei meije eti pelare pusue tamata esi beteke be Alla Aono misete elake eteku.

Lukase 1:50

Bei anubu kena anubu, Tuhane laleMu noa pusue tamata rebe esi holmateMu.

Epsuse 3:20

Kwali betaya, mai ite isike Alla le Ikbasa kena ono saisa rebe Isuka onore. Kai saisa rebe Isuka onoe ete itere, ela lesi bei saisa rebe ite noakele kai saisa rebe ite kotie beiNe. Iono pusue meru le Eni kbasare ekbasae ite lalemaru.

Tatike pine Uonore 15:4

Tuhane, sire rilai le Ale mo kai iisike Amu nane more? Le batuke Ale pine Amise titinai le Amu dosa sae mo, Le pusue bangsa esi luake kai esi tatu kai holmate Ale. Le saisa rebe Ateure enkena.”

Tatike pine Uonore 4:8

Kai tanei kwanala ata meru esi balakibiti ne papelakelu. Esi matai kena nanakwalaiju kai balakibitu pusulu. Kai tanei kwanala meru pita kai kpetu umenani rame be: “Isike Tuhane Alla. Isike Tuhane Alla, le Eni kbasare ela titinai. Tuhane Imisete titinai le Eni dosa sae mo, misete titinai le Eni dosa sae mo, misete titinai le Eni dosa sae mo. Tuhane bei akmena Amei peneka, kena meije Amei kai eti pelare Amei lekwe.”