Ibrani 5:6 - Janji beluke

⁶ Saka Alla Eni lepate makete lekwe be, “Ale Imame eti pela, saka akmena imame Melkisedeke.”

Ibrani 5:6 ပူးပေါင်းရင်းမြစ်များ

Ibrani 5:10

Kai Alla IbitikeNi kena Imame Elake Lakwai esa, saka akmena imame Melkisedeke.

Ibrani 6:20

Yesuse Iono lalane lolete surga ete ite peneka, kai Irue ete ndetere peneka kena Iono Imame Elake Lakwai esa eti pela ete ite, saka akmena imame Melkisedeke.

Ibrani 7:11

Kena Alla Iriluke Eni hukume ete tamata Yahudiaru, Ibitike Lewi eni anubuaru kena imama rebe esi pletae tamata bokala leke esi lulu Eni hukume mere. Po imama meru esi ampune tamata esi dosaru eti esi nkena me Alla oaIje saisa mo, hoko suke imame makete sae sa, rebe isakesa kai akmena imame Melkisedeke. Imame mere irulu bei Lewi saka Harune mo.

Ibrani 7:15

Rebe ite mei lepaele, ite rekwae mise lesi leneka, le imame makete sae me saka Melkisedeke Iluake.

Ibrani 7:17

Le me Alla Eni lepate rebe lekire ebeteke be, “Ale Imame eti pela, saka akmena imame Melkisedeke.”

Ibrani 7:21

Po kena Yesuse Isupu bitike kena Imame, Alla Ila leI. Alla Ibeteke lokoI be, “Aure Tuhane, Au la peneka, kai Au lelike Auku lepate moneka be: Ale mere Imame eti pela.”

Ibrani 7:3

Kamale Melkisedeke mere, ite rekwa amai mo, inai mo kai ite rekwa irulu bei sire mo. Ruelei pise imatare, ite rekwa mo. Melkisedeke mere iono imame eti pela saka Alla Eni Nanare neka.

Ibrani 7:8

Imama rebe esi supu tanei bei taneia rebe lara butu esa meru, roma esi peture esi mata. Po Alla Eni lepata rebe lekie akmenare ebeteke be Melkisedeke rebe isupu tanei bei tanei rebe lara butu esa meru, irue eti pela.