Ibrani 4:7 - Janji beluke

⁷ Bei mere hoko Alla Italu petu makete me lekwe, rebe Ikotiele “Petu meije” leke tamata esi supu kusu kena rue kaiNi. Eleki takwali titinai mina pine Alla Ilepa lokole, rebe Dauta ilekire, lupe lepate matai sae akmenare be, “Petu meije sepo imi lene Alla Ilepare, hoko ulu buaimu ela yake.”

Ibrani 4:7 ပူးပေါင်းရင်းမြစ်များ

Matiuse 22:43

Yesuse Iombe, “Le mula pine Ro Misete Iono Dauta ikotiNe ‘Tuhane?’ Le Dauta ibeteke be,

Markuse 12:36

Le Ro Misete Iono Dauta ibeteke be: ‘Alla Ibeteke loko auku Tuhane: Arue kena leiKue kai pleta sakesa kai Au, eleki tatike pine Au ono tamata rebe laleisu tiake Aure esi lene loko Ale neka.’

Lukase 20:42

Le Dauta ruai beteke Alla Eni lepate kena Maka Hlamate me buku Isike Tuhane be, ‘Alla Ibeteke loko auku Tuhane be: Arue sapleuke Auku makwanale rebe holmatele kai pleta sakesa kaiKu,

Maka Ulakaru 2:29

Kwali betaya imi, meije au beteke iteki ntuane mena Dauta ete imi. Imata kai hnoukeni peneka, eni lataije eti meije ere me sa.

Maka Ulakaru 2:31

Dauta irekwa be namake Maka Hlamate rebe Alla IbetekeNi, Ikwana suike bei matale. Hoko Dauta ibeteke be: ‘Maka Hlamate, Alla Isebei Imata eti pela mo. Nana kwalaIje pulue kai atia mo.’

Maka Ulakaru 28:25

Esi keleke bei lomaije kena lale esa mo. Eleki Pauluse ibeteke etesi be, “Tinai. Lepate rebe akmena Ro Misete Iono nabi Yesaya ibeteke ete iteki ntuana menaru be:

Ibrani 3:15

Kwali betaya, suke imi ahnau lomai le lepate matai me Alla Eni lepate rebe lekire ebeteke be, ‘Petu meije, sepo imi lene Ilepare, hoko ulu buaimu ela saka imi ntuana menaru esi lene loko Alla more yake.”