Ibrani 4:15 - Janji beluke

¹⁵ Iteki Imame Elake Lakwai esa mere Irekwa peneka be ite ktili kwale mo. Isupu teheke peneka kena sasaisa neka, saka ite supu teheke, po batuke Iono dosa mo.

Ibrani 4:15 ပူးပေါင်းရင်းမြစ်များ

Matiuse 12:20

Tamata rebe esi ktili mo kai tamata rebe esi hlaleke ktili more Iono lokosi mamau, leke lalesi kena hlaleke mere sirike beisi yake. Iatula titinai leke tamata esi hlaleke hlamate rebe Au ono eteise roma petu rebe Alla Iteu pakala ete pusue tamata mei nusare.

Matiuse 4:1

Eleki Alla Eni Rore Iono Yesuse Ikeu me tapele otoi nsekile leke ro tiaru esi elake tehekeNi leke Yesuse Ilene lokoe.

Lukase 22:28

Kena Au supu susate, imi keu bei Au mo.

Lukase 4:2

Yesuse Irue ete mere petua butu ata kai ro tiaru esi elake etehekeNi po Ilene loko mo. Kena petua meru Yesuse Ikane sasaisa mo hoko petua butu ata meru liare Iblake tiaI sene.

Yohanese 8:46

Bei imire sire isupu aseluke bukti be Au ono dosare? Le mula pine Au lepae nkenale, imi persaye Au more?

Roma 8:3

Le hukume rebe Musa ilekire, etie ite bei dosare esi kbasare saisa mo le ite tamatare ktili kena lulu hukume mere mo. Po Alla Itie ite bei dosare esi kbasare le Iulake Eni Nanare Ilomei nusa kena seli iteki dosaru. Kena mere Eni Nanane mere saka ite tamata dosa meije neka po Iono dosa mo. Eleki Imata lulu Alla Eni sukare. Alla Inabu dosare esi kbasare baue Ihukume Eni Nanare le itere ele mere.

2 Korintuse 5:21

Yesuse Kristuse Eni dosa sae mo, po Alla Iono Ikeri iteki dosaru, leke ite ono mise suike kai Alla, le ite kai Yesuse Kristuse esa.

Ibrani 4:14

Kwali betaya imi, Yesuse Alla Eni Nanae, rebe Iono Imame Elake Lakwai esa ete ite. Ikusu surga leke ikotie ete ite me Alla oaIje. Bei mere hoko saisa rebe ite naku be ite hlaleke lokole, suke ite hlaleke loko rame.

Ibrani 5:2

Imame elake lakwai esa mere ruai lekwe iktili mo kena yelu bokala lekwe. Bei mere hoko imau ete tamata rebe esi ono nsalale le esi rekwa sasaisa more.

Ibrani 7:26

Hoko Yesuse mere pine Imame Elake Lakwai esa rebe ite perluI titinai. Imise titinai le Eni dosa sae mo, Iono sala kai dosa kwale mo. Masike Ile tamata lekwe po Eni dosa sae saka tamata piasare mo. Alla Iono Ibiti lolete otoi nanuke titinai peneka, lesi bei pusue rebe undete lanite.

Ibrani 9:28

Kristuse ele mere neka, Imata rebai esa neka kena Iriluke nanakwalaIje kena tie tamata bokala bei esi dosaru. Kai namake Iluake suike kena tie tamata bei esi dosaru mo, po kena Ihlamate tamata rebe esi namake Iluake suike.

1 Petruse 2:22

Saka Alla Eni lepate rebe lekire beteke be: “Iono dosa kwale mo kai sae ilene Ilemake kwale mo.”

1 Yohanese 3:5

Imi rekwa be Kristuse Iluake kena Iampune tamata esi dosaru, kai Iono dosa mo.