Ibrani 11:23 - Janji beluke

²³ Bei Musa eni elake inaiju esi maka hlaleke loko Allare, pine eono esi bunike Musa bulana telu bei kena ruelei menaije. Le esi noake be me Tuhane oaIje esi nanae mere inteki, hoko kamale eni pleta kena bunu tamata Israelaru esi kwete mokwaia rebe uke rueleise, rilasi le pleta mere mo.

Ibrani 11:23 ပူးပေါင်းရင်းမြစ်များ

Matiuse 10:28

Rilami le tamata yake le batuke esi bunu nanakwalami po esi supu kbasa kena bunu lalemi mo. Po rilami le Alla rebe Ikbasa kena Ibunu nanakwalami kai lalemi me otoi susate titinai eti pelare.

Maka Ulakaru 7:20

Kena mere ruele Musa. Ile kwete tone rebe inteki titinai. Eleki inai kai amai esi pialaeni me luma bulana telu.

Ibrani 13:6

Ele mere hoko ite nehe kena beteke be, “Tuhane Itapa au hoko rilaku mo. Masike tamata mei nusa meije esi ono saisa ete au neka po rilaku mo.”