2 Timotiuse 4:20 - Janji beluke

²⁰ Erastuse ikeu sakesa kai au mo kai irue mpai kota Korintuse sa. Tropimuse, au sebeieni mpai kota Miletuse le kerakeni.

2 Timotiuse 4:20 ပူးပေါင်းရင်းမြစ်များ

Maka Ulakaru 18:1

Eleki Pauluse ikeu bei me kota Atena lori kota Korintuse.

Maka Ulakaru 18:8

Po Krispuse, luma ibada mere esi elake kai eni luma toini esi hlaleke loko iteki Tuhane Yesuse. Kai tamata bokala rebe Yahudi mo bei kota Korintuse, rebe esi lene Pauluse eni lepataru esi hlaleke loko Yesuse hoko esi supu baptise.

Maka Ulakaru 19:22

Hoko iulake eni tamata maka tapa luaru, Timotiuse kai Erastuse lori otoi Makedonia. Hoko luasi keu eike lori, eleyo irue ruai takwali mpai otoi Asia.

Maka Ulakaru 20:15

Bei ete mere ami sai rame kai ele bobanure ami luake me nusa Kiose esi oai. Eleki ele petu luare ami sai sabu lopai nusa Samose kai esi petu suike ami luake mpai kota Miletuse.

Maka Ulakaru 20:17

Pauluse iulake tamata sae me bei kota Miletuse lori kota Epsuse leke beteke ete tamata rebe esi hlaleke loko Yesuse esi elakaru leke esi lopai kota Miletuse lokoi.

Maka Ulakaru 20:4

Kena mere sie ilaru esi keu sakesa kai Pauluse. Sie meru: Sopatere bei Berea, ile mere Piruse eni nanae, Aristarkuse kai Sekunduse bei Tesalonika, Gayuse bei Derbe, Timotiuse, Tikikuse kai Tropimuse, sie lua meru bei otoi Asia.

Maka Ulakaru 21:29

Esi beteke ele mere le esi selu Tropimuse tamata bei kota Epsuse, isakesa kai Pauluse me kotare, kai esi betinake Pauluse ikerini me Tuhane Eni Luma peneka.

Roma 16:23

Gayuse lekwe ibeteke holmate ete imi. Au Pauluse, au rue mei eni lumare kai iteki ebea rebe esi hlaleke loko Tuhane, ami ono ibada mei eni lumare lekwe. Erastuse, kotare esi maka raka kepene ibeteke holmate ete imi lekwe. Kai iteki kwali Kwartuse ibeteke holmate lekwe.