2 Timotiuse 4:14 - Janji beluke

¹⁴ Aleksandere, tamata maka ono tanei bei tembagare, iono susate elake ete au peneka. Namake iteki Tuhane Ihukumeni lulu eni neune rebe ionoe ete aure.

2 Timotiuse 4:14 ပူးပေါင်းရင်းမြစ်များ

Roma 12:19

Kwali betaya rebe au oki imi! Imi lelie sie rebe esi ono tiae ete imire yake, sebeie Alla Ihukumesi. Le kena Alla Eni lepate rebe lekire ebeteke be, “Au leliesi. Namake Au hukumesi!”

Roma 2:6

Le Alla Ihukume saere lulu saisa rebe ionore.

2 Tesalonika 1:6

Alla Iono susate ete sie rebe esi ono susate ete imire. Le Alla Iono sasaisare nkena.

1 Timotiuse 1:20

Tamata lua bei sie meru, Himeneuse kai Aleksandere. Au sebeie ro tiaru esi elake kbasae luasi peneka, leke luasi rekwa be suke hleke bei lepa tiae loko Allare.

2 Timotiuse 4:15

Hoko ale ruamu lekwe suke aketa beini, le saisa rebe ite atetukele ibrokae titinai.

1 Yohanese 5:16

Sepo imi selu kwalimi pise betami sae pine iono dosa rebe eono irue lau bei Alla mo, hoko suke imi kotie loko Alla etei, leke Alla Iono isupu hlamate kai irue mise eti pela. Imi ono mere ete sie rebe esi ono dosa rebe elikusi kena matale more. Po dosa me pine tamata ionoe hoko irue lau bei Alla. Dosa mere, au beteke mo be suke imi kotie loko Alla lele.

Tatike pine Uonore 18:20

Eleki lepate sae eombe, “Pusue imi ndete surgare suke lalemi ndina le kota elake meije atiare. Hei! Pusue Alla Eni tamata, Yesuse Eni maka ulake kai nabia, suke lalemi ndina! Le Alla Iono hukumane elake mere kena seli saisa rebe tamata Babelaru esi onoe ete imire.”

Tatike pine Uonore 18:6

Au ulake malekate keu atia Babele mere saka tamata Babelaru esi onoe ete Auku tamata rebe esi hlaleke loko Aure. Saisa rebe tamata babelaru esi onore au leliele etesi ktili lesi bei saisa rebe esi onore. Babelaru esi hukumane meije saka oba rebe penu kena sasune rebe rilukele ete tamata Babelaru leke esi kinue, esi ktiline rebai lua bei tamata Babelaru esi rilukele ete tamata makete esi kinure.

Tatike pine Uonore 6:10

Kai esi kloloe be, “Tuhane rebe Kbasa Ela Titinai, rebe mise titinai le dosa sae mo kai nkenale. Roma petua ila sa pine Ateu pakala ete tamata rebe esi bunu ami rebe rue mpe nusare kai Ahukumesie?”